رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

"نانسي" تطلب "الخلع" بعد إنجاب رضيعها الأول: "ندل.. ضحك عليّ قبل الجواز"

كتب: دعاء الجندي -

09:32 ص | السبت 23 مارس 2019

تعبيرية

علاقة غير مشروعة جمعت بين "نانسي. أ"، 26 عامًا، و"أحمد. م"، 30 عامًا، استمرت نحو 6 سنوات، ليقررا الزواج بعد مشاجرات عنيفة بينهما بسبب رفضه الاعتراف بنجله بعد علمه بالحمل، وسط محاولات بإجهاض الجنين قبل أن تتدخل والدته لحسم الأمر وإجباره على الزواج منها.

قصة حب جمعت بينهما لكن التجاوزات بينهما وضعت نهاية مؤلمة لحكايتهما، تروي "نانسي" لـ"هن": "اتعرفت عليه وأنا في الجامعة كان في شلة ناس أصحابي وحبينا بعض جدا ووعدني بالجواز من سنين، ونظرا لرفض والدي عشان معندهوش شقة وكان لسة متخرج فضلنا على علاقة ببعض مدة طويلة فضلنا كدا تقريبا 5 سنين بنتصالح ونتخانق كتير، لأنه كان بيضربني دايما وسيبنا بعض كتير ورجعنا، وللأسف إنه حصل بينا تجاوزات كتير في الفترة الأخيرة وحملت منه في آخر مرة، وبعدها قعد فترة مختفي وبيتهرب مني وقتها اترعبت مكنتش عارفة أعمل إيه!".

صدمة كبيرة تعرضت لها "نانسي"، تضيف: "مكنتش عارفة أعمل إيه ولا أروح فين، وكنت مرعوبة من أهلي يعرفوا حاجة مكانش قدامي حل إلا إني أروح لأمه وأفضح نفسي بعد ما أتهرب مني كتير قوي، لأني كنت عارفة إنه بيعملها حساب.. وفعلا لجأتلها وهي كانت عارفة بعلاقتنا بس مكانتش تعرف إنه بيضربني، ولا إن في بينا تجاوزات".

مواجهة عنيفة بين "نانسي" و"أحمد" وأخرى مع أسرتها لإتمام الزيجة سريعًا، تضيف: "اتحايلت عليه بس يتجوزني ساعة ويطلقني عشان ابني يبقى له أب وأمه هي اللي أجبرته على الجوازة، وعملت المستحيل عشان أقنع أبويا نتجوز في شقة إيجار واشتريت حاجات مستعملة وبالقسط بسرعة، عشان أقول لأبويا إنه جاهز وهنتجوز بسرعة عشان ألحق قبل ما بطني تبان، ومن بعد ما أتجوزنا وأنا بكرهه عشان هو السبب في كل ده، وهو اللي ضحك علي وخدعني واتهرب مني لولا أمه طلعت محترمة لكن مش طيقاه، وبندم على اليوم اللي شفته فيه".

وتابعت: "لما رفض يطلقني رفعت خلع ونفقة عشان ابني، وأتمنى يتحبس لأنه ندل وأنا عارفة إنه مش حيدفع ولا مليم لابني".