رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

سيدة تطلب «الطلاق»: «متجوز عليا بنت عمي من 6 سنين.. وعرفت بعد وفاتها»

كتب: دعاء الجندي -

03:31 ص | الثلاثاء 05 مارس 2019

«عليا» تطلب «الطلاق»: «متجوز عليّ بنت عمي من 6 سنين.. وعرفت بعد وفاتها في حادثة»

سنوات عاشتها السيدة الأربعينية «مخدوعة» بعد ارتباط زوجها بابنة عمها «عرفيًا» دون علمها.

وتروي قائلة لـ«هن»: «كنت أنا وهي زي الأخوات طول عمرنا ومن حوالي 8 سنين حصلت مشكلة كبيرة بين نادية الله يسامحها وجوزها لأنه كان بيضربها دايمًا وطلبت الطلاق وغضبت عندي وبعد كام يوم جوزي ادخل عشان يصالحهم لكن ركبت دماغها وفعلا اطلقت وفضلت عندي شوية وراحت عند بيت أخوها بعد كدا وفضلت علاقتنا عادية لحد ما ماتت في حادثة من كام شهر وبالصدفة وأنا في العزا بتاعها لاقيت واحدة من الجيران بتحكي وبتشاور على جوزي إنه قاعد في العزا ولا على باله إن مراته ماتت.. اتجننت قولت لها جوز مين قالت لي جوز نادية.. اتصدمت ازاي نادية بنت عمي متجوزة جوزي.. في الأول قولت ست مجنونة لكن بعد العزا روحت سألت على عنوانها اللي كانت عايشة فيه وسألت بنتها اللي أكدت لي إن أمها كانت متجوزة جوزي عرفي».

خلاف أدى إلى مشاجرة بين الزوجين «عليا وسمير»، دفع الأولى لإقامة دعوى «طلاق للضرر»: «أعيش معاه ازاي بعد ما اداني على قفايا هو وهي 7 سنين بياكلوا ويشربوا معايا في طبق واحد وبيخونوني.. ازاي أعيش وأبص في وشه وهو خاين وغشاش ومبيصونش عشرة العمر ولا شعره الشايب.. ده جد».

إصرار على الطلاق من قبل الزوجة الأولى: «مليش عيشة في بيته بعد النهارده.. أنا موت بالنسبة له زي زيها لما عرفت اللي حصل.. عشت معاه عمري كله اتجوزني عيلة وكنت مأمناه عليّ وعمري ما ضحكت عليه في حاجة.. الناس كانت بتحسدنا لكن الحمد لله كل شيء عند الله بقدر».