بعد 4 سنوات من الزواج، أقامت «إسراء.م» 28 عامًا، دعوى «خلع» حملت رقم 2577/ 2018، من زوجها «سامي.ر» 33 عامًا، لاستحالة العشرة بينهما بسبب مخالفته شرع الله.

زواج تقليدي تم بين الشابين، بعد شهور بسيطة من التعارف بين الأسرتين، تروي «إسراء»، لـ«هن»: «اتجوزنا بعد 5 شهور خطوبة بسيطة يدوب جهزنا فيها العفش بتاع الشقة.. زواج صالونات تم بمعرفة الأهل وهو كان مسافر السعودية ونازل إجازة اتعرفنا على بعض وسافر يكمل شغله وكنا بنتكلم على الإنترنت فترة وحددنا ميعاد الزواج وبقى يسافر ويرجع في أول سنتين وبعد كدا أخدني معاه».

معاناة بدأت منذ إتمام الزواج، تضيف الشابة العشرينية: «من بداية الزواج الموضوع مكانش طبيعي زوجي شره جدا للعلاقة الحميمة وده كان بيتعبني جدا خصوصا في الأول وطلباته كانت غريبة مش محترمة واتخانقنا كتير بسببها لكن كان بيرجع يعتذر ويصالحني ولكن الموضوع ده فضل صعب بينا جدا حتى بعد ولادة بنتي بقى أكثر عصبية عليّ».

إدمان للإباحية بات أزمة بين الزوجين: «من أول الجواز وكنت عارفة إنه بيتفرج على أفلام مش كويسة وحاول يخليني أشوف معاه لكن رفضت وكان بيقول إن ده بيشجعه لكن مكنتش بحب الطريقة دي ومن بعد ما خلفت بقى يشتكي مني كتير وإني مش مهتمية بيه وبنفسي وبسيبه فترات طويلة وبقى يصر على حاجات غريبة بحجة كسر الملل وإن ده مش حرام وعادي لكنه كمان بدأ يغصبني عليها بالعافية وده اللي خلاني ألجأ للخلع لأنه مصر يخالف شرع ربنا وسببلي نزيف شرجي».