كتب: محمود البدوي -
11:50 م | الخميس 10 يناير 2019
قال الفنان شريف منير، إن الرجال في مصر يُعانون من عدم التقدير، مضيفًا: "الراجل بيكون نازل شغله أو عنده تصوير أو عنده وردية، بيرجع تعبان هلكان وطالع عينه، أول ما يطلع البيت يتقال له إنت إتأخرت ليه، وكنت فين لحد دلوقتي".
وأضاف "منير"، خلال برنامجه "أنا وبنتي"، على قناة "ON E": "الواحد مش بيكون في نيته أي حاجة، بس الستات بتحسسنا على طول إننا عاملين عاملة"، فردت الفنانة رانيا يوسف، خلال استضافتها في البرنامج: "آه كل الرجالة بيكون عاملين عاملة".
وتابعت "رانيا": "الستات فيه اللي بيعمل عاملة وفيه اللي ميعملش، بس الرجالة كلها بتعمل عاملة، وبتقعد على القهوة عشان تهرب من التفاصيل والمسؤوليات، الستات كلها تفاصيل".