رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

أبرز تصريحات "فيفي عبده" في مؤتمر عودتها للرقص: "مش عري.. وراجعة علشان ابسط الناس"

كتب: الوطن -

12:48 م | الأربعاء 19 ديسمبر 2018

فيفي عبده

أعلنت الفنانة فيفي عبده، خلال مؤتمر صحفي عقد أمس بأحد فنادق القاهرة عن نيتها العودة للرقص الشرقي مرة أخرى، وقالت إنها لم تتوقف من قبل عنه، بل استمرت على أداء رقصات في منزلها على أغاني متنوعة.

وشاركت فيفي عبده تلك الرقصات مع جمهورها عبر منصات التواصل الاجتماعي الرسمية الخاصة بها، وفيما يلي أبرز تصريحات فيفي عبده. وفيما يلي أبرز تصريحات فيفي عبده خلال المؤتمر.

- "أنا بأعلن عن حفلات هكون موجودة فيها في رأس السنة، مع حكيم ومحمد فؤاد ودي عودتي".

- "أنا مش طول السنة بشتغل دراما، أنا راجعة عشان ابسط الناس، زي ما ببسطهم على السوشيال ميديا، أنا اديهم طاقة إيجابية وهم يدوني".

- "همارس الرقص في الأفلام، والدراما، والرقص مش عري".

- "أنا مش هقدم زي اللي موجود، أنا هقدم فن محترم، وده اللي شجعني لأنه مش موجود، إزاي الأجانب ياخدوا البساط من المصريات، دول إحنا اللي بندربهم".

- "بحب الرقص جدا، وأنا مأعلنتش اعتزالي عشان أعود، بيقولوا عليا المهرة، وفضلت أجري كتير عشان أوصل للي أنا فيه".

- "إني أقف على المسرح وآخد مكافأة في ساعتها ده اللي وحشني، أنا مطلوبة في كل حاجة وكان صعب أكمل في كله دراما وأفلام ورقص".

- "إدي العيش لخبازه، لازم اللي بترقص تكون فاهمة إيه هي قواعد الرقص، الرقص ليه أصول وقاعد ولبس، مش رقص وخلاص، لأن في مصنفات هي الجهة اللي بتمنع، وعشان كدة لازم نعمل نقابة تقول الصح من الغلط، ومش أي حد يرقص".

- "والله العظيم أنا مبعملش عمليات تجميل أبدا، لأني عملت الزايدة قعدت فيها سنة، فاتعقدت، واللي ربنا بيجيبه أحسن من اللي الدكاترة هيعملوه، أنا مش ضد عمليات التجميل، لكن كويس أنهم يقدروا يصلحوا حاجات".

- "أنا خسيت خالص، وحسيت اني هقف على المسرح، ولما أكون شخصية عامة مينفعش حد يطلع فيا غلطة، عشان محدش يقول بتعملي دده ليه، انا لما بحب اللي بعمله ربنا هيكرمني".

- "وارثين من نجوى فؤاد وسهير زكي، هم العتاولة واحنا عيال صغيرة، وبدأنا نتأقلم على لبسهم بالمقاييس دي، ومكناش بنشتغل في رمضان".

- أنا كسرت الدنيا بجلابية، مش بالعري، أنا ست ليا وضعي وإيمدج وعارفة وضعي ومكسرة الدنيا من وأنا في البيت، عايزة أعمل حفلات وتكسر الدنيا زي اللي في البيت".

- "للأسف الشديد في تدريب رقص في مصر، بس بيعملوا مهرجانات ويرقصوا فيها، بس مش بيعلنوا عنها، ولا بتكون رسمي، لا أعملوها رسمي، وخلي الناس تشتغل".