نشرت الفنانة منة فضالي، عدة صور جديدة عبر حسابها الشخصي على موقع تبادل الصور والفيديوهات "إنستجرام". 

وظهرت منة بفستان أسود قطيفة، مكشوف الظهر، ومُزين باللولي، كما تألقت بلوك مميز بشعر باللون الأصفر الذهبي، مع مكياج حاد. 

وظهرت "فضالي" بوزن ضعيف، حيث بدت نحافتها خلال الإطلالة، مما دفع العديد من متابعيها للتعليق متسائلين عن سبب نحافتها ونقص وزنها لهذا الحد. 

يذكر أن الفنانة كانت تمر مؤخرًا بوعكة، تسببت في ارتفاع درجة حرارتها، وفقدانها للصوت لعدة أيام قبل إلا ان عادت مجددًا لحياتها الطبيعية. 

الأمر الذي دفعها لتوجيه رسالة للبعض منذ يومان، عبر حسابها الشخصي على موقع "فيسبوك" معلقة: "النهاردة أول يوم صوتي يبتدي يطلع وأقدر أتحرك، كنت بموت بقالي يومين حرارتي مبتنزلش، المهم الحمدلله إن الواحد كل شوية بيتأكد إنه صح إن مفيش حاجة اسمها عشرة وعيش وملح، أنا أعمل لغيري لكن غيري عمري ما حلاقيه جنبي إلا لو في مصلحة".

وأضافت"المرض والموت نعمة من ربنا بيكشفلنا كل شوية ناس متستهلش حتى تبص في وشهم، قليلين قوي اللي اهتمو يسألو عليا وعلى صحتي لكن آل ١٠٠٠٠٠ اللي عندي واللي ملهومش اأي لازمة غير انهم يتفرجو عليا وفالحين بس يقولولي واو إيه الجمال ده إيه الطعامة والشياكة دي ناس منافقة كذابة حتعيشو وتموتو كده، الحمد لله إني مش زيكم ولا حكون لأني بكل بساطة بحب الكل وبحب الخير للناس كلها، ومش حتغير بس مع اللي يستاهل وربنا كبير والدنيا عيشة وقتية الدوام لله".

 وتابعت: "صحيح أنا ممثلة وبلبس لبس مش محتشم ساعات لإن ده شغلي، بس كفاية إني مش بأذي حد ولا عمري شمت في حد، اتفرجو عليا قوي واحقدوا أوي وغيروا أوي أوي بس عيشوا ضميركم مرتاح زيي لو عرفتم".

واختتمت حديثها قائلة: "طبعًا بعد البوست ده حلاقي تليفونات ورسايل بالهبل احب أطمنكم آخركم عندي إني أتفرج عليكم، كنت فاكرة إن الحب اللي بيكسر طلع في أهم من الحب العشرة والعيش والملح اللي متعرفوش عنه حاجة".