كتب: محمود البدوي -
12:25 ص | الإثنين 03 ديسمبر 2018
قالت الفنانة رانيا يوسف، إنها لم تتلق حتى الآن أي مراسلات رسمية بوجود دعوى قضائية ضدها بعد أزمة فستانها الذي ارتدته في حفل ختام مهرجان القاهرة السينمائي في دورته الـ 40، مضيفة: "أنا كمان معايا محامي بعد ربنا طبعا، لازم طبيعي يكون معايا حد".
وأضافت "رانيا"، خلال مداخلة هاتفية في برنامج "مساء DMC"، مع الإعلامية إيمان الحصري، على قناة "DMC": "عاوزة أوضح إن اللي حصل ده بدون قصد، ربنا وحده اللي يعلم، مكنتش عارفة أعدل نفسي، رغم أني بحافظ على أهلي وأسرتي من أول ما اشتغلت، فإزاي بقى أفكر في نفسي وأنسى الناس".
وتابعت: "أكتر حاجة مزعلاني في الموضوع بناتي خايفين عليا ومخضوضين من اللي بيسمعوه عن المحاكم وكدة، بحاول أهديهم وأكلمك".