نشرت مقدمة البرامج مي حلمي مقطعًا مصورًا وهي تدور بفستان الزفاف، اليوم، عبر حسابها بموقع تبادل الصور والفيديوهات "إنستجرام"، وذلك بعد مرور أيام قليلة على إلغاء حفل زفافها على المطرب محمد رشاد.

وعلقت "حلمي" على المقطع، قائلة: "مش عايزة أتكلم في أي حاجة غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي، كلنا بندور على الفرقعه على السبق اللي يضرب، بس لو هتكلم عن نفسي عمري ما هعمل كده وقت غياب فرحة حد ومش أي فرحة دي فرحة العمر زي ما بيقولوا".

وتعجبت الإعلامية الشابة من ردود فعل البعض التي صاحبت إلغاء زفافها، قائلة: "إزاي قدرتوا تشمتوا وتفرحوا في وجع غيركم واللي يدعي واللي يضحك واللي يقول أحسن، فهموني أنتو بني أدمين؟ بتخافوا ربنا؟ طيب حتى لو نفرض وده فرضًا إن حد من الطرفين غلطان ليه الدعا عليه والحسبنة ليه أصله مش زرار هتقوم من النوم تدوس عليه فهتنسى العشرة والسنين وتقعد تدعي وتهين، لا لا أبدا مهما حصل بتلاقي نفسك مش طايق كلمة وحشة على الطرف التاني ونفس الكلام للطرف الآخر".

وأوضحت "حلمي" أن فرحتها بالزفاف ستعود قريبًا، وأنها ورشاد سيعلنان التفاصيل التي يرغبان في الإفصاح عنها لاحقًا، مؤكدة: "فرحة فستان بتاعت الراديو راجعة راجعة إن شاء الله هنحكي كل حاجة وهنقول كل حاجة بس في الوقت اللي إحنا عايزينه مش اللي الناس عاوزاه.. أكيد هنطلع ونتكلم بس إدونا فرصتنا مع بعض بعيد عن الأضواء".

ونصحت "حلمي" المقبلين على الطلاق أو إنهاء الخطبة بالتمسك ببعضهم البعض، مؤكدة: "الحب مابيتباعش ولو ضيعتوه والله ما بيجي تاني امسكوا فيه مهما حصل". 

View this post on Instagram

مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي ... كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ..... ازاي ؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر .... بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا .... ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم

A post shared by Mai Helmy (@maihelmy.official) on Oct 25, 2018 at 3:47am PDT