اهتمامها الدائم بمظهرها الخارجي، والظهور بإطلالات مختلفة ومبهرة سواء بملابسها أو مكياجها أو شعرها وغيرها ما جعل فيفي عبده تثير ضجة كل فترة على مواقع التواصل الاجتماعي ولها عدد كبير من المتابعين.

وكانت آخرها، أمس عندما نشرت صورة لها في لبنان وهي ترتدي تنورة قصيرة وكعب عال على البحر حيث علق المستخدمين محاولين معرفة سر رشاقتها وجمالها: "عارفة يافوفا ياعسل انتي انا لما بلبس  كعب بنام أسبوع بعدها ،انتي علي وضعك والله عاش يافوفا"، "عسل والله يا فوفه خليكي كده على طول مهتميه بنفسك عسلات فلات اشطات".

وتوالت التعليقات بـ "قوليلنا بقى يافوفا كل الفنانات بيعملوا تجميل لكن مش بنحس أنهم بيصغروا انتى وصلتى لنفس الشكل والوزن اللى كنتى عليه وانتى فى سن الأربيعينات  وياترى صحتك حديد وبومب"، "برافو عليكي واهتمامك بنفسك ومش شايله للدنيا هم قلبك ابيض".

وسبق وتحدثت فيفي بمقطع فيديو عن سر جمالها عندما وجهت لها مستخدمة سؤال بإجرائها عمليات تجميل فردت  قائلة: "انا معملتش عمليات تجميل انا عملت تجارة مع الله هي دي اللي مدياني اللي انتي شايفاه ده"، مضيفة أن جمالها وشبابها: "من عند ربنا، مش بتاعتي خالص".

وفيما يلي بعض من إطلالات فيفي عبده المتميزة: