شاركت الفنانة بدرية طلبة، في حملة ضد التنمر، التابعة لمؤسسة "يونيسف مصر"، من خلال تعليقها على فيديو الفنان أحمد حلمي بمنشور على موقع تبادل الصور والفيديوهات "إنستجرام".

وعلقت قائلة: "حصلي فعلا كنت مريضة بالغدة ومكنتش أعرف اللي بيحصلي ده من أعراضها، كانت مخلية وزنى 45 كيلو وجاحظة عيني ومسببة لي زي شلل رعاش وعدم توازن وكنت على المسرح ووقعت وأنا بحاول أقوم سمعت واحد في الصف الأول بيقول البنت دي بتشم خلاني أدمرت نفسيآ لأني أصلا مش مدخنة وممنوع أتواجد في مكان فيه دخان لأني مريضة صدر".

وأضافت: "وعلشان كلامه الجارح ربنا أكرمني بدكتور وأستأصل الغدة اللي كانت خبيثة لكن قالي رجوعي لحالتي الصحية ولوزني وشكلي الطبيعي هياخد سنين بعد العمليه كنت كل ما أشوف حد بيتكلم ويبص عليا أفكر أنه بيقول نفس الكلام الجارح".

وتابعت: "لحد ماشوفت فيلم أسف على الإزعاج غير مجرى حياتي وخلاني افترض حسن النية في اللي بيتكلم أو بيبص لي وفعلا كان ربنا أكرمني واتعرفت والناس بيتكلموا على طعامتي وخفة دمي، وكان ربنا أكرمني وجبت مكياج داريت الهالات السودة وحبيت عيبي وحبيت الهالات السودة وهي حبتني وتعايشنا مع بعض وحمدت ربنا أنه أكرمني بعيب بقدر أداريه بالمكياج".

وأكدت على أهمية كلام الفنان أحمد حلمي قائلة: "اللي بيقوله الأستاذ أحمد حلمي مهم، أوعى تدوس على جرح حد وتعايره بأي عيب فيه حرام حرام حرام"، وانهت تعليقلها بـ"تسلم يابرنس".