تعاني بعض الفتيات من سيطرة القيود المجتمعية، والعادات التي قد يفرضها الآخرين، وربما تلك المعاناة لم تقتصر على الأشخاص العامة فقط، بل طالت المشاهير أيضًا.

من جانبها نشرت الفنانة الأردنية صبا مبارك، رسالة موجهة للفتيات، للوقوف ضد التحكمات الأخرى.

ونشرت "مبارك" صورة جديدة لها من خلال حسابها الرسمي على موقع تبادل الصور والفيديوهات "انستجرام" وعلقت عليها قائلة: "إذا كنتي مليانة رح يحكو ناصحة، و إذا نحفتي رح يحكو ضعيفة، وإذا عرضتي حواجبك رح يحكو متغيرة، وإذا الصورة من فوق رح يحكو رأسك كبير".

وتابعت: "بدك تلبسي فستان وتحطي كل المكياج اللي بالعالم؟ حطي وافرحي وحسي إنك حلوة، وإذا  قررتي تلبسي جينز وتيشيرت البسي وحسي إنك بسيطة".

واستكملت حديثها قائلة: "إذا الكعب وجع أجرك البسي واطي حتى لو طولك مش 180 بدك شعرك كيرلي؟ ما أحلاكي حتى لو حكو غولة، بدك تسشوريه؟ ممتاز حتى لو حكو ليش هيك عاملة بحالك كنتي أحلا".

وأضافت: "حاطة فيلتر الورد وطالعة زي الحديقة؟ يا سلام حاطة فيلتر الكلب وطالع منو أدنين ولسان؟ كيوت وبتجنني لكن لما تسمحي إنه حد يختصرك وتتلخصي بشكلك".

واختتمت كلامها قائلة: "هالصورة أكيد رح تتغير، لأن كل الأشكال بتتغير، ولأن الوقت بيمر، و الموضة بتمر، لكن لما ترفضي إنك تكوني صورة وبس، بتخلي إنجازك هو هدفك، وبتخلي أي تغيير فيكي يكون للأحلى وللأحسن، من جوا لبرا".

وتابعت: "الفكرة إنك مش صورة، أنتِ روح، اللي منهم مفكر إنه صلّح العالم ومش باقي عندو غيرك لحتى يصلحه، ساعتها أعطيه من وقتك واسمعيه، وإذا لأ، ناوليه مرايهة، وخليه يصفن بحالو وبجمالو، امشي وارفعي رأسك، كيف ما كنتي وايش ما كان لونك أو طولك أو وزنك أنت حلوة".