تراجعت الراقصة سما المصري، عن طلبها الزواج من اللاعب محمد صلاح، لاعب منتخب مصر والمحترف بنادي ليفربول الإنجليزي، بعد أن أثارت الجدل خلال الفترة الماضية بشأن طلبها الزواج منه.

واعتذرت سما، للاعب محمد صلاح وعائلته وأهل قريته نجريج بمحافظة الغربية، عبر حسابها على موقع "إنستجرام"، بعد رفض عمدة قريته التعليق على طلب سما الزواج من صلاح خلال مداخلته التليفونية في برنامج "مانشيت" على فضائية "النهار"، قائلة: "بص يا عمدة حقك عليا وحق صلاح ومراته على راسي بجد وحق أهل أعظم لاعب في العالم على راسي بجد، وحقكم كلكم عليا أنا والله عمري ما توقعت إن الموضوع يوصل للدرجة دي أبدا".

وتابعت: "يا حضرة العمدة صلاح حبيبنا كلنا مش حبيبي أنا بس، ولو زعلك أنت ولا حد من أهله فأنا ما قدرش على كده أبدا ووعد إني مش هانزل أي بوست تاني يخص صلاح أو يخصني عشان ما جرحش مشاعر حد.. أنا طلبت الجواز عادي وماكنتش فاكرة إن الموضوع هيزعل ناس وأهل بلده كده.. أنا بجد أسفة أرجوكم اقبلوا أسفي واعتذراي واعتبروني كنت بهرج وأنا إنسانة مجنونة ومريضة.. صلاح دا أحسن حاجة حصلت في مصر وربنا يخليه لمراته وبنته وأسرته ويخليه لمصر كلها.. أنا أسفة بجد وأسفه لكل اللي بيحبوه كمان".

وكانت سما المصري قد هنأت صلاح عقب فوزه بجائزة أفضل لاعب العام في إنجلترا، وطالبت بالزواج منه، عبر حسابها على "إنستجرام"، وعلقت: "الناس اللي بتقول إني لو اتجوزت صلاح هيبطل كورة، صدقوني والله جوزهولي أنتوا بس وهياخد أحسن لاعب في العالم مش بس أحسن لاعب في الدوري الإنجليزي".