كتب: إسراء جودة -
12:11 م | الخميس 12 أبريل 2018
وجه الفنان كريم فهمي رسالة شكر لزوجته عبر حسابه على موقع تبادل الصور "إنستجرام"، أمس، لدعمها الدائم له في حياته الشخصية والفنية.
ونشر كريم صورة برفقة زوجته عبر "إنستجرام"، وعلّق عليها: "شكرا حبيبتي على تعبك معايا، شكرا على تحملك ليا وأنا بشتغل وأنا بكتب كل فيلم جديد، شكرا على اهتمامك بقراية كل فيلم بكتبه، شكرا على اهتمامك بلبسي وشكلي، شكرا على حبك لنجاحي كأنه نجاحك أو أكتر، الحقيقة إن ليكي في نجاحي ده أكتر مني شخصيًا".
واستكمل رسالته، قائلًا: "شكرا على وقوفك جنبي لما أصر على رفضي لأي عمل لا يليق بالجمهور رغم احتياجنا المادي ليه وتقوليلي ولا يهمك نستحمل، لو كنت أخدت خطوات فده لأن ربنا سبب فيكي الأسباب إنك في ضهري، ربنا يخليكي ليا أنا والبنات وتفضلي شايله همنا طول الوقت، قررت أكتبلك قدام كل الناس عشان أنتي الجندي المجهول في حياتي.. شكرا على كل حاجة يا حبيبتي".
ويعرض حاليًا لكريم فهمي فيلم "علي بابا" الذي يجمعه مع آيتن عامر، والذي طرح في دور العرض السينمائية في 28 مارس الماضي.
