تعرضت طفلة لمحاولة اختطافها من داخل مستشفى "أندلسية شلالات" في الإسكندرية، وذلك على يد رجل أوهم الطفلة انه إحدى العاملين في المستشفى.

وترجع تفاصيل الواقعة كما روتها والدة الطفلة عبر منشور على مواقع التواصل الاجتماعي "فيس بوك"، قائلة: "بنتي اتعرضت لمحاولة اختطافها من داخل مستشفى اندلسيه شلالات، واستغل رجل وجودي في الاشاعه، وعمل نفسه واحد بيشتغل في المستشفى، وكان معاه واحد تاني بره مستنيه بتوك توك يكالمه علشان يقولوا مواصفات البنت اللي هتطلع، وأخد منها شنطتي وموبايلي، وقالها ماما بتقولك روحي هاتلها  مناديل من برا بسرعة.

وتابعت قائلة: "لولا ستر ربنا وأني طلعت فجأة من الإشاعة ولقيته ماسك شنطتي، وملقتش هنا كانت راحت مني، ومكنتش رجعتلي تاني، وهو دلوقتي اتقبض عليه هو والمعاه، خدوا بالكوا أوي من ولادكم ده دخل مستشفي كبيرة زي الأندلسية إلى كلها أمن وكاميرات ومهموش حاجه انه يخطف بنت عندها 13 سنه ربنا ما يوجع قلب أي حد على ولاده وربنا ينتقم منه على الحالة إلى هنا فيها بجد خالي بالكم اوي في محل ولا مستشفي ولا في اي حتة مبقاش في امان في اي مكان".

وأعرب نشطاء مواقع التواصل الاجتماعي تعاطفهم معها حيث علق أحدهم: "ربنا يحميها ويحفظها بس لازم تخاليها متسمعش كلام حد غريب وخصوصًا أنا مشاء الله عليها كبيرة يعني المفروض تستوعب اللي بيحصل ويا رب ما يوجع قلب حد على ضناه أبدا".