رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

كتالوج الحياة| الحلقة الـ21.. اسأل.. استشير

كتب: داليا رشاد -

06:19 م | الأربعاء 31 يناير 2018

صورة أرشيفية

اسأل...استشير...اسأل...استشير...إعلان طبي بحت...كان بيجي كتير واحنا صغيرين....بس عمر ما حد ركز فيه ولا عمر حد عمل بيه أصلا.. الناس معظمها وأنا طبعا واحدة منهم ماشين بالتوقعات المرئية... يعني ببقى عارفة الإجابة من غير ما اسأل.. لأ والأعمق من كده إيه ببقى متوقعة أفعال وردود افعال وواثقة إن دي اللي هتحصل وكأني أنا اللي قايلة عليها.

ولو محصلتش أو حصل العكس أو اكتشفت بعدين العكس بتدمر نفسيا إنه إزاي ده اللي يحصل... معقولة فهمت غلط....وجزء صغير أوي مني بيفضل يأنبني مسألتيش ليه قبل ما تتوقعي....مش بلاقي له رد الحقيقة... هل ده كسل ولا خوف ولا فتاكة...حقيقي مش عارفة...المهم بقى لما أنا شربت من نفس الكأس ضربت أخماس في أسداس...وقعدت أصوت وأقول...يا جماعة ياريت تسألوني قبل ما تتكلموا عن لساني ياريت تدوني حق الرفض أو القبول.

ادونى متعة انى اتسأل واقول لأ او اشرح وجهة نظرى...نفتح الكتالوج....الكتالوج بيقول مش عيب إنك تسأل قبل ما تتسرع وتتوقع مش يمكن اللي هتعرفه يبقى أفيد بكتير من اللي توقعته...وعموما السؤال نص المعرفة ده معناه إنك مهتم فعلا وبيضيف لمعلوماتك...ومش كل اللي هتعرفه هيفيديك بس على الأقل هيفهمك...اسأل عشان تفهم..وتوقع إنك كل ما هتسأل مش شرط تعرف بس على الأقل هتفهم...ممكن تفهم إن السؤال ده ليه إجابتين أو أكتر..أو إنه سؤال صعب مالوش رد او انه حرك حاجة فى اللى قدامك...

المهم مافيش ضرر من السؤال...الضرر من التوقعات المرئية اللي بتتبنى في دماغنا قبل ما ننطق بالسؤال ونبني عليها حياة ممكن تكون غلط...اسأل...استشير...افهم بس متزنش وتسأل كتير...اسأل لما تحتاج تفهم ...متسالش فضول وخلاص.

الكلمات الدالة