نشط على موقع "تمبلر" هاشتاج "the way we met#"، الذي تفاعل معه الناشطون بالمواقف والقصص التي جمعت الطرفين.

وكتبت الكاتبة الناشئة مها مجدي منشور عن "التريند" الجديد، على صفحتها على موقع التواصل الاجتماعي"فيسبوك" حيث تداول الناشطون عن الهاشتاج، وحاز المنشور على 27 ألف إعجاب، بينما تجاوزت نسبة مشاركته السبعة آلاف.

وروت "مها" القصص التي شاركت في الهاشتاج وتحوَّلت صداقة الطرفين فيها إلى حب: "الناس بتحكي عليه همّ إزاي قابلوا شريك حياتهم.. واحدة حكت إنها وأقرب صاحب ليها كانوا في يوم خارجين وهي راكبة جنبه في العربية وفجأة العربية اللي قدامهم عومت عشان التلج اللي في الطريق، فهو داس فرامل جامد، فالعربية لفت بيهم".

وتابعت: "أول حاجة صاحبها عملها أنه مد إيده عشان يلحقها من إنها تتخبط، فبتقول إن رغم إنهم طول عمرهم أصحاب، دي اللحظة اللي شافته فيها بنظرة مختلفة تماما وإنها اتفاجأت إن أول رد فعل ليه لما حس إنهم هيخبطوا، إنه يحميها".

وعلق المشاركون بالسخرية على الموقفن حيث قالت أحدهما: "أنا على كده ممكن أحب كومسري".