نشر أحد أولياء الأمور في صفحة حملة "منهجكم باطل"، صورة من امتحان اللغة العربية في الفصل الدراسي الأول للصف الرابع الابتدائي بالإسكندرية، الذي ضم سؤالا عن مفرد كلمة "الأقصر"، وهو ما أثار دهشة وسخرية الكثير من المعلقين.

وكتب مجدي مدحت في منشوره: "مفرد الأقصر؟ أنا لسه عارف النهاردة إن لها مفرد من بنتي"، وسخرت إحدى المشاركات: "الأقصر لها مفرد؟ يا حزن الحزن"، وقالت أخرى: "رابعة ابتدائي يا عيني عليكوا، ابتسمو أنتوا في مصر".

وعلقت أماني موسى، ولي أمر طالب: "إيه الحكاية؟ السؤال عادي والدنيا مقلوبة عليه ليه؟ أنا قولت جايز فعلا السؤال مش تمام، وروحت سألت بنتي اللي في تانية ابتدائي وقالتلي من غير تفكير (القصر)".

وأكد أيمن عبدالفتاح، ولي أمر: "يا جماعة إحنا في ابتدائي عرفنا إن الفرنسيين لما وصلوا مصر وشاهدوا المعابد اللي في المدينة افتكروها في البداية قصور، وتمت تسمية المدينة بالاسم ده، وكلمة أقصر مرادفة لكلمة قصور، والمفرد قصر بس هو ده الفرق بين التعليم زمان والتعليم دلوقت".