نشر الإعلامي خالد حبيب، مقطع فيديو عبر صفحته الخاصة على موقع التواصل الاجتماعي "فيس بوك"، يدعم فيه حملة "لأني رجل"، منتقدا الكثير من السلوكيات السيئة للرجال.

وقال حبيب، في الفيديو: "تعريف الرجولة بقى مشوه جدا زي حاجات كتير بقت مشوهة في حياتنا، لما بتيجي تحب واحدة أول حاجة بتعملها بتحط القواعد والقيود، وهي بينها وبين نفسها تبدأ تفكر أنا مليش أي حق أحط أي شروط أو أي حاجة خالص، ولما بتيجي في صف حد على حساب التاني، يعني تقول لا دي أمي أهم واحدة في الدنيا كلها فاجي على مراتي عشان أمي، طب هو لازم تيجي على حد فيهم مينفعش تحترم الاتنين".

وأضاف أن الطبقات الفقيرة تلعب فيها المرأة دورا مهما، "كل واحدة بتشتغل في البيوت محترمة جدا"، حيث لم تجد مصدر رزق آخر، ولا تجيد عمل شيء لسد حاجة أسرتها، وتنفق على زوجها العاطل.

وتابع حبيب أن الرجل عليه أن يكمل المرأة، وينصت إليها جيدا، ويساعدها على النجاح والتألق، واعتبار الأمر ليس تفضل منه، وتطبيق تعاليم الأديان السماوية في معاملة النساء.