"20 جنيها".. مبلغ قدره طارق حسن، الحاصل على بكالوريوس التجارة بجامعة القاهرة، مكسبه يوميًا، في المتوسط، نظير عمله ببيع اللحمة في حي السيدة زينب.

وقوع محله في نهاية سوق المدبح، سبب لا يضعه طارق في الحُسبان: "حركة البيع واقفة من يوم ما عرفنا ثورة 25 يناير، ومن وقتها الحال اتغير، وخربت كل حاجة، واستحالة الوضع قبل كده"، حسبما يقول لـ"هن".

ويضيف طارق: "شارع المدبح اتغير، من ساعة بناء المستشفى 57357، واللي كانت المدبح القديم، وأثر على حركة البيع بشكل كبير".

أكثر من 40 عامًا بالمهنة، لا تكفي لرعاية 3 أبناء، فيوضح قائلا: "عندي اللي معاه تجارة، ومعهد صحافة وإعلام، وثانوية عامة، وربنا هو اللي معيشنا".

تنتعش الحركة في المواسم، بينما تقف باقي أيام السنة: "محلك سر ده حال المدبح، والسبب الأسعار المرتفعة، حلال العجل اللي هو أرخص حاجة كان بـ6 جنيه، دلوقتي بـ30 جنيه، إحنا مش عايشين، ومحدش هيفيدنا، ولا يسمعنا".