تفترش بهية مسعد أحواضا معدنية بها أنواع من اللحم، لتبيع الكيلوجرام لأقل سعر بـ30 جنيها، في سوق المدبح بحي السيدة زينب بالقاهرة، لتوفر قوت يومها بعد وفاة زوجها قبل سنتين الذي كان متحملًا نفقات البيت، تاركًا لها 3 أبناء بمراحل دراسية مختلفة.

تقف السيدة الأربعينية بالمدبح قبل 30 عاما، وتقول لـ"هن": "الحال بقى أصعب بعد وفاة زوجي، عشان أوفر بس رزق اليوم، فبتشغل 12 ساعة من صباحية ربنا لحد العشاء".

"تعالى يا بيه، أيوة"، تكرر الكلمات والجمل، في صوت عالِ، لتنال قرار الشراء من الزبائن: "بنتحايل على الزبون محايلة ما يعلم بيها إلا ربنا".

يجاورها في المدبح نساء بهيئتها: "إحنا جيران في المدبح بس، وحركة البيع بتمشي على الكل"، معبرة عن عدم قدرتها على مواجهة ارتفاع الأسعار.

وتتابع: "زمان كنا بنبيع الممبار بـ10، 15، ودلوقتي بـ30 جنيه، وبيطلعلي في الكيلو 2 جنيه على قاعدة الشمس دي، وإحنا شاربين المرار".

تحصل بهية على 320 جنيه معاش من الشؤون الاجتماعية: "رزق يومي، والمعاش، هو ده كل اللي بجيبه"، لافتة إلى أن المسؤول لا يشعر بمعدومي الدخل لأنه ملتزم بمكتبه فقط.