نشرت إسراء طاهر خطيبة المذيع والممثل الراحل عمرو سمير السابقة، رسالة مؤثرة له بعد وفاته، عبر حسابها على موقع التواصل الاجتماعي "فيسبوك"، مؤكدة على علاقتهما الطيبة وصداقتهما ذات الطبيعة الخاصة.

وقالت إسراء، إن الراحل كان يشجعها على قراءة القرآن والذكر بشكل متواصل خلال شهر رمضان الماضي، مضيفة: "قعد تقريبا رمضان كله يشجعني إني أقرأ ويفكرني كل شوية، أو يصورلي صورة من الجزء اللي هو فيه ويبعتهالي عشان يغيظني ويحمسني".

وروت إسراء تفاصيل مكالمتهما الطويلة ليلة 27 رمضان الماضي، قائلة: "اتكلمنا عن ربنا وقعد يتكلم عن قد إيه بيحبه أوي وبيزعل لو زعله ونفسه دايما يعمل مجهود عشان يقرب منه، وفي آخر المكالمة قال لي أنا عارف إنك زعلانة عشان مش هتعرفي تصلي التهجد وإنتي في التصوير بس أنا هدعيلك وأنا بصليها، وإنتي برضه أقعدي ادعي وسبحي لحد الفجر وبعد الصلاة كلمني وقال لي دعيتلك كتير أوي".

وعبرت عن حزنها الشديد على وفاته، واطمئنانها على مصيره الأخير لالتزامه الشديد وخاصة في شهر رمضان الماضي، مشيرة إلى 3 صفات لم تتغير فيه مع مرور السنين، وهم "حبه لربه وبِره بوالدته وطيبة قلبه"، حد قولها.

واختتمت إسراء رسالتها، قائلة: "هفتقدك أوي يا عمرو وهفتقد هزارنا وكلامنا وهفتقد جدا جدا علاقتنا المختلفة اللي بيتهيألي مستحيل يبقى عندي زيها تاني أبدا.. يا رب تبقى مرتاح أكتر من أي وقت فات أنت كنت دايما حسن الظن بربنا وهو هيبقى عند ظنك به".

وكان المذيع والممثل عمرو سمير قد رحل عن عالمنا عن عمر يناهز 33 عامًا، إثر إصابته بأزمة قلبية مفاجئة في الخامس من يوليو الجاري.