حذفت الإعلامية مي حلمي صورتها الأولى لها بفستان الزفاف من حسابها بموقع تبادل الصور "إنستجرام"، بعد دقائق من نشرها لها تأكيدًا على زفافها اليوم من المطرب محمد رشاد.

وظهرت "مي" في الصورة بظهرها، كاشفة عن فستان الزفاف الجديد الذي ترتديه في الحفل الثاني لزفافها على المطرب محمد رشاد، اليوم، وعلقت قائلة: "إيه مشكلتكم إن الواحد يفرح ومش لازم يفرح البلد كلها معاه هو في إيه جرا إيه للناس مش كفاياكم قولتوا وعدتوا حصل وماحصلش ومافتحتش بوقي بكلمة صح أو غلط ولا رديت.. حياتي مش خبر ومش سبق ولو سبق فأنا ليا حرية الاختيار لمين أديها بس أنا قررت إني أبعد حياتي عن الهري وبردو مصريين".

وأضافت: "اتعلموا تفرحوا والله افرحوا للناس وحرام عليكم سبونا نفرح النهارده، محدش شاف اللي إحنا شوفناه وربنا يسامح أصحاب النفوس السودا".

وتعجب عدد من متابعي "مي" من حذفها للصورة من حسابها بموقع "إنستجرام"، رغم تركها لها عبر حسابها بموقع التدوينات القصيرة "تويتر"، الذي توالت التهاني خلاله، وجاءت التعليقات كالآتي: "ماتزعليش نفسك يا ميوش ربنا يسعدكم ويفرحكم يا رب"، "ماتزعليش نفسك يا مي سيبي اللي يتكلم يتكلم وافرحي واتبسطي واعملي اللي أنت عايزاه".