كافيه البنات
أرشيفية

«تريند» ظهر فجأة، عن العباءة السوداء الضيقة، التى ستجلب الحبيب، وتقرب الغريب، بعيدا عن ملابس التوكيلات مرتفعة الثمن، بعد ذكر أن العباءة بـ80 جنيها حسب أحد التريندات، أو 90 فى رواية أخرى، لكن العباءة التى يرتديها عدد كبير من السيدات، وصلت أسعارها فى الحقيقة إلى أرقام كبيرة، بحيث لم تعد هى أرخص الملابس.

تحب صفاء سالم ارتداء العباءات، وتعرف أنواعها المختلفة، وانتماء كل واحدة لطبقة معينة، فهناك العباء ة البلدي، والخليجية، والعباءة التركي، ولكل أسعاره وفق الخامة والتطريز، والإكسسوارات التى تدخل فيها، لكن أسوأ تلك الأنواع لن يقل عن 160 جنيها، بحسب الشابة التى ترتدى أكثر ملابسها من العباءات: «أنا بحب لبس العبايات جدا، وكنت مستغربة الناس اللى بتتكلم عن العباية اللى بـ80 و90 لإن ده مبقاش موجود خلاص» تحكى ذات الـ32 عاما، والتى تخرج فى مناسبات مختلفة بالعباءة، وترى أنها أفضل الملابس التى ترتديها على الإطلاق «أهو الجملة اللى كانت بتتكتب على النت دى شوهت سمعة العباية، لكن لو الناس نزلت السوق هتعرف إن أسعارها بقت فى السما دلوقتى، ومبقاش فى الرخيص اللى بيتكلموا عنه دلوقتى».

يعمل إبراهيم عاطف بأحد محلات العباءات النسائية، ولا يوجد فى المحل غير ذلك النوع من الملابس، الذي يعتبره الأقرب إلى ذوق كثير من السيدات، سواء للجالسات فى المنزل أو المتجهات إلى مشاوير معينة، ويبيع العباءة بأسعار متفاوتة، فمنها ما يصل إلى 600 جنيه، ومنها ما دون ذلك، يقول: «أسعار العبايات فى الطالع، وكل مدى بتزيد، عشان إكسسواراتها بتزيد يوم بعد يوم، بس زمان كانت هيا أرخص حاجة فى اللبس، لكن دلوقتى مبقتش كده».

يحكى الشاب الذى يعمل فى الملابس منذ سنوات، وصار يقتصر على العباءات، بعد أن أصبحت هى الموضة الأكثر انتشارا مؤخرا: «زمان كان ممكن تجيب البنت عباية بـ60 جنيه كمان، لكن دلوقتى أقل حاجة 150 بالميت يعنى، وبتبقى حاجة أى كلام»، تقاطعه سيدة أربعينية تشترى بعض العباءات: «كان حتى زمان فى جهاز العروسة لازم نعمل حساب العبايات، ونشتريلها 6 أو 7».

الكلمات الدالة

أخبار قد تعجبك