رئيس التحرير:

محمود مسلم

رئيس التحرير

محمود مسلم

لايف ستايل

نصائح لأمهات أبراج الجدي والدلو والحوت خلال الامتحانات: «متجيش جنب حريتهم»

كتب: منة العشماوي -

03:48 ص | الجمعة 21 يناير 2022

عبير فؤاد

معاناة الأم لا تنتهي خلال فترة امتحانات منتصف العام، وتحاول التخفيف على الأبناء نفسيا، وكذلك مساعدتهم في المذكرة، دائما تبحث عن الطريقة الأمثل للتعامل معهم.

وتقدم عبير فؤاد خبيرة الأبراج، من خلال «هن»، نصائح في فترة امتحانات منتصف العام، لتعامل الأم مع الأبناء في المذاكرة، خاصة أصحاب أبراج «الجدي، والدلو، والحوت».

برج الجدي 

صاحب برج الجدي يتحمل المسؤولية جدا ومجتهد، ويعلم أنه يجب أن يجتهد حتى ينجح، وتقريبا لا يحتاج من يعلمه ماذا يفعل، لأنه سيعمل ما عليه ولا يستطيع الاستمتاع بوقته، إلا عندما ينتهي بالمهام. 

ويجب أن تتفهم الأم، أنه بطيء وتتركه على راحته لأنه هو بطبعه يحسب الأمور جيدا موضحة عبير: «المثالية اللي عايزها في كل حاجة أحيانا بتاخد من طاقته، فممكن الأم تعلموا أن في بعض الأحيان مش كل حاجة لازم تبقى بيرفكت، محتاج بس يبقى مرن». 

برج الدلو 

صاحب برج الدلو، يحتاج أم ذكية جدا لأنه من وهو صغير يرفض الأوامر وعنيد ويحب حريته، ويعتبر أي أوامر تتوجه إليه بأنهم تحكم فيه وتحرمه من حريته على سبيل المثال، بحسب قول خبيرة الأبراج: «لو قولتي لي البس اللبس ده هيقولك لا، أو لو قولتي ذاكر هيقول لا، فالأم هنا لازم أنها تحط لي اختيارات ومتعرفوش ابدا هي عايزة إيه عشان لو عرف هي عايزة إيه هيعمل عكسها، فلازم تديله الإحساس بالحرية اللي هو انك عندك امتحان بكرة في كذا لو عايز تذاكر مدة تانية انت حر وهو يقرر»، وتجعله يشعر أنها تثق في قراره.

برج الحوت 

صاحب برج الحوت ذكي جدا، ولديه خبرات جميع البشر ولكنه يتصف بالكسل وليس بسهولة عليه أنه يكون لديه حافز أن يتعلم، وهو فنان ويمتلك خيال ويعيش مع مشاعره وحتى يخرج من الأجواء التي يعيش فيها يحتاج مجهود كبير: «الأم دورها أنها ترجعه لأرض الواقع واللي يجيب نتيجة معاه هو المصلحة، هما بينتبهوا جدا لما يكون ليهم مصلحة في الحاجة اللي بيعملوها فلازم الأم تدور للابن أو الابنة على مصلحة ليهم من الدراسة أن هي هتوصلك مثلا للي انت عايزه».