رئيس التحرير:

محمود مسلم

رئيس التحرير

محمود مسلم

علاقات و مجتمع

ياسمين عبد العزيز: «قلت للأطباء سيبوني أموت أحسن.. هرتاح عند ربنا»

كتب: محمود البدوي -

11:34 م | الأربعاء 08 ديسمبر 2021

الفنانة ياسمين عبد العزيز

قالت الفنانة ياسمين عبد العزيز، إنه منذ اللحظة الأولى لإجرائها العملية وحتى دخولها العناية المركزة كانت في شبه غيبوبة، متابعة: «مش فاكرة أي حاجة، مش عارفة أتكلم ولا أمشي ولا أكل ولا بقعد، بس كان صريخي جايب آخر المستشفى، المهم وأنا في العناية كان فيه حاجة غريبة أوي، قعدت من 4 : 5 أيام، مكنتش بسأل أوي قعدت قد إيه، مش عاوزة أفتكر الأيام دي، كنت بسأل بس هو إيه اللي بيحصلي».

ياسمين عبد العزيز: بطلت أنام من الكوابيس 

وأضافت «عبد العزيز»، خلال حوارها في برنامج «معكم»، مع الإعلامية منى الشاذلي، الذي يُعرض على شاشة «سي بي سي»: «كل ما أنام في العناية المركزة يجيلي كابوس، أغمض عيني يجيلي نفس الكابوس، قررت ما أنامش ولا أغمض عيني، من كتر ما بشوف الكابوس ده، كابوس غريب أوي، وأنا في الطبيعي لا عمري جالي كوابيس ولا أنا من النوع اللي بحلم أوي».

ياسمين عبد العزيز: طلبت منهم يسيبوني أموت 

وتابعت الفنانة ياسمين عبد العزيز باكية: «فيه وقت وأنا في العناية المركزة، جالي فترة قولت خلاص، قولت أنا مش قادرة أكمل، وأنا فعلا مكنتش قادرة أكمل، وصلت لمرحلة من الألم والتعب قولتلهم  شيلوا كل حاجة وسيبوني أموت هبقى مرتاحة عند ربنا».