رئيس التحرير:

محمود مسلم

رئيس التحرير

محمود مسلم

ماما

نصائح هامة للأمهات لتخطي الخوف من تقييمات الصف الرابع الابتدائي (فيديو)

كتب: غادة شعبان -

11:52 ص | الإثنين 06 ديسمبر 2021

طلاب

«أنا أم وقلقانة مش عارفة أذاكر مع ابني صح وخايفة مني أنا شخصيا المفروض اتعامل مع نفسي إزاي قبل ما اتعامل مع ابني»، سؤال وجهته مقدمة برنامج «جروب الماميز» كلسان حال الكثير من الأمهات الذين لديهم أطفال في الصف الرابع الابتدائي، اللاتي يشعرن بقلق شديد وتوتر نتيجة للتغير المفاجيء في المنهج، وخضوع الأبناء والطلاب للتقييمات.

نصائح هامة لتخطي الخوف وقلق الأمهات من تقييمات الصف الرابع

من جانبه، رد الدكتور أحمد بو الوفا، أخصائي الطب النفسي، عليها من خلال تقديم 6 نصائح هامة لتخطي خوف وقلق الأمهات من تقييمات الصف الرابع الابتدائي، قائلا: «تعالي نراجع شوية أفكار، هل النظام ده جديد على ابني ولا على كل الأولاد، هل في فروقات وقدرات بين الأمهات وبعضهن، غالبا القدرات مش متفاوتة، وبالتالي اللي بيحصل مع الأم بيحصل مع غيرها، وأي تقييمات هتكون مجمعة، وبالتالي الأداء للطلاب هيكون متساوي، دي حاجة محتاجين نفكر فيها بشكل عام، احنا فرد من مجموعة وليس فرد لوحده، لا يتم تقييم الطالب فقط في معزل عن النظام، ولو الأمور صعبة على ابني هتبقى صعبة على الجميع».

نصائح للأمهات لتقليل التوتر والخوف

«ياريت ننسى السباق والحماس الزيادة»، هكذا نصح استشاري الطب النفسي الأمهات، خلال البرنامج، مضيفا: «ياريت نصدق إن ما يحدث ليا يحدث لمن حولي، ودي في حد ذاتها فكرة آمنة وبتقلل التوتر شوية، والأهم علاقة الأهل والأبناء، بلاش نحسسهم إنهم مبذلوش مجهود كفاية، أو لازم يبذلوا مجهود خارق، الأهم يكون بذل مجهود على قد قدرته، وفي علاقة آمنة معاه هادية، وفي أمهات من غير ما تشعر إنها بتبث روح المغلوب على أمره وبتحط شماعة الظروف وتأثيرها أكثر من اللازم، لإن الفكرة دي لما بتظهر في سن صغير بيكون تغييرها لما الأطفال بيكبروا أمر صعب جدا، وده بيصبح نمط في التفكير».

وتابع الدكتور أحمد أبو الوفا: «لازم نفكر في الحلول وليس المشاكل، ويكون في خطط بديلة للخروج من الأزمات».