رئيس التحرير:

محمود مسلم

رئيس التحرير

محمود مسلم

علاقات و مجتمع

خالة «محمود» الطفل الباكي: «بيعمل كل ده عشان أمه تطلق وتقعد جنبه» (فيديو)

كتب: شريف سليمان -

09:09 م | السبت 04 ديسمبر 2021

الطفل محمود عبدالرحيم المعروف إعلاميا بـ«الطفل الباكي»

قالت خالة الطفل محمود عبد الرحيم المعروف إعلاميا بـ«الطفل الباكي»، إن نجل أختها سبب للأسرة متاعب جمّة في الفترة التي أقام فيها مع أفرادها.

فضحنا في الشارع وكان بيقف عريان قدام المروحة

وأضافت خالة الطفل خلال تصريحات لـ«الوطن»: «فضحنا في الشارع عمال يصوت، وكان بيعمل حمام على نفسه ويقف عريان قدام المروحة، وكان مبهدلنا، وجالي يوم وقعد يرجع ويصوت».

مش عاوزينه بعد اللي عمله

وتابعت: «مش عاوزينه بعد اللي عمله، ده بسيتعبط ويعرف يمثل ويعمل نفسه إنه تعبان، وكنا بنجيب له كل حاجة بس كان بيعمل عمايل زي الزفت ومكناش مزعلينه وكان عاوز أمه تطلق وتيجي تقعد جنبه، وهو قال كده وبيعمل كده عشان أمه تسيب ابنها وتيجي تقعد معاه».

وتبنت مؤسسة « بسمة للإيواء»، حالة الطفل، وصرحت الدكتورة زينة زقزوق، المدير الإعلامي للمؤسسة، في حديثها لـ«الوطن»، أن الطفل محمود يعيش معهم في أحد دور الرعاية بالزقازيق بمحافظة الشرقية منذ أسبوعين: «هو دلوقتي موجود في دار الرعاية، وبنقدم له الرعاية الكافية، والأخصائيين النفسيين بيشتغلوا معاه حاليا علشان يعالجوا أثار اللي حصله».