كتب: غادة شعبان -
11:24 ص | الأربعاء 01 ديسمبر 2021
تضع الكثير من الفتيات مواصفات خاصة لشريك الحياة التي تحلم بالارتباط به، وتحاول البحث عن تلك المواصفات في المحيطين بها حتى تعثر عليه، وكانت الفنانة الشابة رنا رئيس واحدة من الفتيات اللواتي يضعن مواصفات لزوج الأحلام، والتي تحدثت عنه خلال استضافتها في برنامج «السفيرة عزيزة».
وتحدثت رنا رئيس عن مواصفات شريك الأحلام، قائلةً: «كلنا كان عندنا مواصفات فتى الأحلام، مش مواصفات كشكل، هو مفيش حد وحش، كل واحد حلو بروحه، وعنده الحاجة الحلوة اللي بتميزه، ربنا بيديه ملكة، عيون حلوة وخدود حلوة، لازم يكون طويل وعريض، وأنا قصيرة، طيب معايا ويبقى عنده هدف عايز يوصله وذكي وناجح في اللي بيعمله، وبيشجعني».
«لو الشخص اللي فيه كل المواصفات دي ظهر في حياتك هتوافقي»، سؤال طرحته مذيعات برنامج «السفيرة عزيزة» على الفنانة رنا رئيس أثناء استضافتها به، لتجب قائلةً:«ليه لا، ولو قلبي دق لحد ومامي قالتلي مش مرتحاله، هتقولي الحاجات اللي هي شيفاها وفي الأول والآخر هتقولي ده قرارك، ولو دايبة في غرامه هاخد باللي من كلامها بس مش هقول لأ، هي بترمي الكرة في ملعبي في النهاية، أنا حذرتك، ديما بفكر وبسمع لكلامها وبحب أجرب، أنا لسه صغيرة على الارتباط هاخد خبرة الأول».
وكانت تناقلت الكثير من الشائعات التي تفيد بارتباط رنا رئيس والفنان محمد يسري، والتي نفتها في لقاء مع برنامج «ON set» المذاع على قناة «ON» الفضائية، وتقدمه الإعلامية شيرين حمدي، الجمعة، موضحة: «إحنا كدة كدة جوزونا على السوشيال ميديا، لكن كدة كفاية.. إحنا مش عايزين نمثل مع بعض تاني».
رنا رئيس، ممثلة مصرية شابة، ولدت في محافظة القاهرة، بدأت أولى تجاربها التمثيلية عام 2017 بعملين مختلفين الأول مسلسل «وضع أمني» مع الفنان عمرو سعد والمسلسل الثاني هو «أرض جو»، مع الفنانة غادة عبد الرازق، وشاركت في رمضان 2018 بالجزء الثاني من مسلسل كلبش مع الفنان أمير كرارة، ومسلسل بركة مع الفنان عمر سعد، وتعتبر الفنان ياسر جلال الأب الروحي لها.
