رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

للرجال فقط

علاقة أكرم حسني وولاده: صحوبية وغيرة وعرق صعيدي وقت اللزوم (فيديو)

كتب: غادة شعبان -

11:43 ص | الثلاثاء 30 نوفمبر 2021

أكرم حسني وأولاده

علاقة صداقة قائمة على التناغم والمحبة بين الفنان أكرم حسني وأبنائه، تحدث عن كواليسها وأسرارها خلال استضافته في برنامج «صاحبة السعادة» مع الفنانة والإعلامية إسعاد يونس.

علاقة أكرم حسني بابنته ربى: مصاحبها وكانت عايزة تغير اسمها

وجهت الإعلامية إسعاد يونس، للفنان أكرم حسني، سؤالا عن كواليس علاقته بأبنائه، قائلةً: «أعتقد أن أنت بالنسبة لبنتك فارس الأحلام»، وجاء رد الفنان على السؤال، قائلًا:« ربى في الطباع شبهي وواخدة نفس الاستايل التفكير حتى نومها، وعادة طول الوقت في علاقة بينهم جميلة، ربى عندها 15 سنة يعني آنسة، وأنا صعيدي أبويا من أسيوط، وطول الوقت عندي خناقة بين العرق الشرقي الصعيدي، وبين إن الجيل الجديد محتاج نبقى متفتحين معاهم أكثر، ونسمعهم ونصاحبهم، أنا قريب قولت أنا عملت فيها كدة من ناحية اسمها، وسألتها مفكرتيش تغيري اسمك، قالتلي نفسي أغير اسمي لسلمى أبو النجا، مش آخر اسم في عيلتنا ناجي، فأنا حابه يكون اسمي كدة، وقولتلها مش هتغيري اسمك وتلغيني كدة».

واستكمل حديثه عن علاقته بابنته «ربى» قائلًا: «أنا وهي أصحاب، وقلتلها يا ربى مش عايزك تخافي مني، عايزك تحترميني، أي مشكلة تقعي فيها كلميني، بحبك ومتقبلك في كل الأحوال، وخلينا صحاب أحلى أنا لما بيبقى عندي مشاكل في الشغل باخد رأيها، بيعلمها إن العلاقة تكون مريحة».

عقاب أكرم حسني للأبناء: بزعل منهم

انتقل الفنان أكرم حسني، للحديث عن كواليس العلاقة التي تربطه بابنه «ياسين»، قائلًا: «ياسين عنده 10 سنين، اكتشفت علاقتي بيه في برنامج أحمد أمين، مش واخد طباعي شوية، وعنده ودن موسيقية اكتشفتها قريب جدا، بس مش بيحب المزيكا، أبقى قاعد مثلا بعمل اي حاجة ببوقي كدة والاقيه بيقلدها بالظبط، وأقوم مغير فيقلد اللي بعمله بالظبط».

وعن كيفية العقاب الذي يتخده مع الأبناء، قال:«أنا في معادلة واصلها إني مصاحب ولادي، زمان كنت بعاقب بسحب الموبايل، بالتجربة والخبرات مبقتش أعاقب خالص، عقابي ليك إني زعلان منك».