غابت عن الشاشة والأضواء منذ أعوام، بعدما أمتعتنا بأعمال فنية واستعراضية، لا تزال محفورة في الذاكرة، إذ تعتبر الفنانة نيللي، نجمة كل الأجيال منذ سبعينيات القرن الماضي، فحتى اليوم عندما تظهر على الشاشات، تملؤها مرحا وشقاوة كعادتها.

وقررت إدارة مهرجان القاهرة السينمائي الدولي، في دورته الـ43، تكريم الفنانة الاستعراضية «نيللي» بجائزة الهرم الذهبي التقديرية.

الجانب العاطفي في حياة «نيللي»

ويُقدم هُن خلال السطور التالية، حكايات الجانب العاطفي في حياة نجمة الاستعراض «نيللي»، والأسئلة التي طاردتها حول العلاقات العاطفية.

«وسط هذه الوحدة ليه بترفضي تشتغلي»، سؤال وجهه الإعلامي عمرو الليثي، للفنانة الاستعراضية والنجمة نيللي، أثناء استضافته لها في برنامج «واحد من الناس» في عام 2017، وردت عليه قائلةّ: «مين قالك وحدة؟ إنت ليه مصمم إن أنا وحيدة، بعيد الشر عليا من الجواز، هاتطلع الحتة البلدي اللي فيا، أنا كنت جاية مبسوطة ليه كدة، أنا بقعد أتكلم مع ربنا كتير أوي، في علامات بتبقى لذيذة أوي، وكل أملي إن ربنا راضي عني، لما والدتي إتوفت في الأول تعبت لما راحت، وجالي شبه إحباط وروحت لدكتور، وكنت أصغر والفراق صعب، ديما بحس اللي بيروح بيبقى في مكان أفضل».

نيللي تتحدث عن الزواج «في ساعة صفا»

وسبق وأن وجه الفنان الراحل وائل نور، سؤالا لـ نيللي، أثناء استضافتها في برنامج «ساعة صفا» مع الإعلامية صفاء أبو السعود، بشان عدم زواجها، إذ قال: «الحب والعطاء اللي جواكي قليل إني أتكلم عليه، الحب اللي إنتي محافظة عليه جواكي. إنتي رومانسية جدا، بس مش عارف ليه معندكيش حد في حياتك أو مش مدية فرصة لحد يخترق حياتك، وتفرقي الحب على حد قدامك، مش عارف يا نيللي ليه عايشة كدة لوحدك، نفسي تطلعي الحب لحد، هل ده تقصير منك إنتي ولا من حبك لنفسك أوي، وصعبان عليكي تطلعي شوية حب لحد، ليه متجوزتيش لحد دلوقتي، وفي ناس كتير بتتقدملك لغاية اللحظة دي».

بطلبها من ربنا كل يوم ولكن محصلتش

وجاء رد الفنانة نيللي، على الفنان وائل نور، عن عدم زواجها رغم تقدم الكثيرين لطلب الزواج منها، قائلةً:«أنا حظي وحش في الجواز والحب، بحب الحب أوي، أحلى حاجة في الدنيا مفيش شك ورومانسية جدا، أنا مضايقة إني عايشة لوحدي وبحس بوحدة شديدة رغم إني عايشة مع أمي، لما بقعد لوحدي في أوضتي بحس بوحدة، لكن أنا مقدرش أتجوز من غير حب، لو لقيت الإنسان واللي بيحبني ولايق عليا، لازم قلبي يتحرك، ساعات الواحد يتمنى حاجة ومتحصلش، أنا بتمناها وبطلبها من ربنا كل يوم وهو مش عايز، جايز في وقت هيحصل».

وأشارت النجمة الاستعراضية خلال الحديث: «مظهرش الشخص اللي أحس إني عايزة ارتبط بيه».