رئيس التحرير:

محمود مسلم

رئيس التحرير

محمود مسلم

علاقات و مجتمع

هبة قطب للأزواج: اطلبوا الطلاق لما الطاقة تخلص

كتب: محمد عزالدين -

03:47 ص | الإثنين 25 أكتوبر 2021

الدكتورة هبة قطب

قالت الدكتورة هبة قطب، استشاري العلاقات الزوجية، إنَّ هناك مقدمات وعلامات للطلاق يجب على الزوج أن يعلمها، من نظر الزوجة لزوجها بصمت دون تحدث، وإذا تحدثت فيكون كلمات قليلة، «من تحت ضرسها»، وإذا كان الزوج لا يحب تحدثها في التليفون فتتعمد التحدث في التليفون خلال جلوسها معه.

مؤشر طاقة الصبر لما يخلص بيتحس

وأضافت «قطب»، خلال تصريحات تلفزيونية، أن طلب الطلاق يتم عندما تنتهي طاقة الصبر على هذه العلاقة بين الزوج وزوجته أو العكس، «اطلبوا الطلاق لما الطاقة تخلص، وساعتها كل واحد هيلاقي نفسه هيطلب الطلاق، مؤشر الطاقة لما يخلص بيتحس، الزوجة بتكون قربت تنفجر ولازم الزوج يلم الدور عشان تبقى الدنيا لطيفة».

البعض يطلب الطلاق وهو لا يرغب في ذلك

وأشارت الدكتورة هبة قطب، استشاري الطب الجنسي والعلاقات الزوجية إلى أن البعض يطلب الطلاق وهو لا يرغب فيه بشكل حقيقي سواء من الرجل أو المرأة، «فيه رجالة بتهدد زوجاتهم بالطلاق، ويقولها هطلقك كل شوية وهو مش عاوز يطلقها، بس هو عاوز يقرص عليها أو يزنقها في كورونر عشان تنفذ طلباته، وهي من باب التهديد علشان تختبر غلاوتها عنده».

المرأة الناجحة لا تكون سببا للطلاق

ولفتت إلى أن المرأة الناجحة لا تكون سببا للطلاق، «هي لو ناجحة فعلا هتقدر تعمل التوازن، بس لازم ترتبط براجل يكون واثق في نفسه ويبتدي يعملها مساندة، لية يكعبلها؟، ممكن تستمد قوتها منه وبتشجيعه، وحكاية مين أحسن من مين مش المفروض تكون موجودة، أحنا في الآخر متشاركين».

وتابعت الدكتورة هبة قطب، استشاري الطب الجنسي والعلاقات الزوجية: «هي لو ست قوية وكويسة ومحترمة وعرفت تختار زوجها صح مش هيحصل كده، والست ممكن تحسس الراجل أنه أحسن».