رئيس التحرير:

محمود مسلم

رئيس التحرير

محمود مسلم

علاقات و مجتمع

رسالة غامضة من إيفون نبيل بعد الاستغاثة من زوجها: «متحاسبش الحليم على فعله»

كتب: غادة شعبان -

04:45 م | الخميس 16 سبتمبر 2021

البلوجر إيفون نبيل

عادت البلوجر إيفون نبيل، إلى إثارة الجدل من جديد، بعد أيام من خروجها في بث مباشر، عبر حسابها الرسمي على موقع التواصل الاجتماعي «فيسبوك»، تستغيث خلاله بالمتابعين، وتروي قصتها مع زوجها، ومنعها من الخروج من المنزل، والظروف القاسية التي تعيشها مثلما زعمت.

ودونت إيفون نبيل، اليوم الخميس، منشورا غامضا عبر حسابها، أثار تساؤلات كثير من متابعيها، إذ قالت: «فيه حاجه اسمها غضب الحليم، سمعتوا عنها أو تعرفوها.. الشخص اللى لما بيتضغط بعد كتير مبتصدقش أنه ده رد فعله».

رسالة غامضة من إيفون نبيل

«متحاسبش الحليم بقى على فعله، لأنه لو يقدر يحتمل كان كمل»، بهذه العبارة واصلت «إيفون» منشورها، إذ كتبت: «هو وصل لمرحلة مايقدرش فيها يكمل بهدوءه المعتاد، ولما حضرتك تشوف أن رد فعله ده غير مسؤول ومش محسوب، هقولك لما تبقى في نفس حياته أو حالته، ابقي حط نظرياتك الفذة وحاسبه».

وأشارت البلوجر الشهيرة، إلى التلعيقات التي تتلقاها، موضحة: «في كلام أنا بنبهر لما بسمعه، وأقدر أرد على كل حرف فيه، بشكل عملى جدا، يخلي اللى بيقوله ميتكلمش تاني على الإطلاق، مرتب وجميل ومنمق بزيادة، أكاد أشك في نفسي من كتر مثاليته، سهل قوي أرد صدقوني، وأبين عدم صحة كل حرف مش كلمة.. شايفة كل فيديو بيشحن الناس ضدي، ومش بس الناس اللي طالعة في الفيديوهات».

إيفون نبيل: فاض بيا

اختتمت إيفون نبيل، رسالتها، قائلة: «أنا شايفة ردود عبقرية على الكومنتات لو حد حاول يدافع عني على فيديوهاتهم، بس بعتذر برضه أنا مش هرد، أنا اتكلمت لما فاض بيا، وعدم ردى مش ضعف.. ده منتهى القوة، وقتي وطاقتي غالية، وبناتي محتاجني، وفي حياة حلوة مستنيانى، واثقة في عوض ربنا، وحاسة بوجوده في كل خطوة بخطيها».

كنت مضغوطة ومش هكرره تاني

بعدما أثار الفيديو الذي ظهرت خلاله البلوجر إيفون نبيل، تستغيث من زوجها وسوء المعاملة، حسبما زعمت، خرجت في فيديو مدته دقائق، قائلة: «قررت طمأنتكم عني وعن بناتي، والأمر تحول إلى الجهات المختصة، ومش عايزة أتكلم تاني في الموضوع، لأن الوضع كان انفجار وخوف ورعب مني، وطلعت عملت الفيديو ده عشان كنت مضغوطة، وكانت أزمة وضغوطات كبيرة ومش هكرره».

زوج البلوجر يرد

كان زوج إيفون نبيل، قد خرج عن صمته فيما، للرد قالتها الزوجة في الفيديو، نافيًا كل ما ذكرته، خلال حديثه لـ«الوطن»، وقال: «تعود الخلافات بيننا، عندما رفضت هذا النوع من المحتوى الذي تقدمه زوجتي على مواقع السوشيال ميديا، لأنه جعل منزلي وأبنائي مشاعا للجميع، أنا لم أحتجزها في المنزل، وإيفون كانت في منزلها وسط أولادنا معززة مكرمة، وكان لديها مطلق الحرية بالتحرك والخروج، وكانت السيدة العاملة في منزلنا تدخل وتخرج، وكل شئ موثق والتقطته إحدى الكاميرات بمدخل العقار».