كتب: محمد عزالدين -
04:25 ص | السبت 28 أغسطس 2021
شاركت الإعلامية منى الشاذلي، فرحة أوائل الثانوية العامة 2021، حيث قدمت هدايا قيمة للطالبة فاطمة محمد عبداللطيف، الأولى على الثانوية العامة شعبة علمي علوم، والطالبة عهد مصطفى السيد الشرقاوي، الأولى علمي رياضة، وفريدة مؤمن خليل الأولى أدبي، وذلك على أنغام أغنية «الناجح يرفع إيده» للمطرب عبدالحليم حافظ.
وعلقت «الشاذلي» خلال استضافتها «فاطمة» و«عهد» و«فريدة» أوائل الثانوية في الثلاث شُعب ببرنامج «معكم منى الشاذلي»، المذاع على شاشة قناة «CBC»، الجمعة، «أنتم متفوقين وناجحين ومن الأوائل ومن حقكم تفرحوا وتتهادوا هدية كبيرة جدا 50 ألف جنيه شهادة استثمار لكل واحدة من بناتنا، وأحدث تلفزيون من شركة عالمية».
وتابعت: «مفيش أي حاجة في الدنيا توازي التفوق والتحقق والشرف اللي بيديه المتفوق لأهله، مفيش هدية توازي الإحساس ده، إنما حقيقي أنتو تستاهلوا فرحة مع بداية حياة أو خطوة جديدة أن يبقى معاكم مبلغ تعملوا فيه اللي أنتو عاوزينه».
وسألت الإعلامية منى الشاذلي الطالبة «عهد»: «هتجيبي إيه بيهم؟»، فردت عليها «هجيب بيهم قطة.. هدلعها»، من جانبها أجابت «فريدة» قائلة: «مفيش حاجة في دماغي دلوقتي ممكن أحطهم في البنك استثمار».