رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

موضة وجمال

قبل إجازة الصيف.. اعرفي قواعد وضع الصن بلوك حسب بشرتك: القديم يترمي (فيديو)

كتب: روان مسعد -

10:43 ص | الأربعاء 07 يوليو 2021

صن بلوك

خلال فترة الإجازات والسفر إلى المدن الساحلية، تحتاج السيدات إلى مستحضرات تجميلية محددة خلال تلك الفترة، وهناك ما هو مهم وما لا يجب الاستغناء عنه، مثل الصن بلوك، أو مستحضرات منع اختراق الأشعة فوق البنفسجية الضارة من الشمس إلى الجسم، وفي هذا الصدد يشرح الدكتور عاصم محمد فرج، أستاذ الأمراض الجلدية، قواعد وضع الصن بلوك، مؤكدا أنه «من أهم محتويات حقيبة السفر هو الصن بلوك، مهم جدا، وممنوع النزول في الشمس من غيره».

قواعد وضع الصن بلوك

يحذر فرج، من إعادة استخدام  مستحضرات الصن بلوك، التي مضى عليها مدة معينة من الزمن، موضحا: «بتاع السنة اللي فاتت مينفعش، لازم يترمي، لأنه لو اتفتح مبينفعش الشهر اللي بعده، بس لو مقفول هيقعد سنة وسنتين، ولو فتحتيه شهر واحد، يبقى خلاص يترمي لأنه بيتأكسد، وإحنا عندنا عرف في البيوت المصرية نفتح الأنبوبة ونسيبها مفتوحة، وديه مأساة، وده بيحصل في كل حاجة، زي معجون الأسنان، وعشان الأكسدة دي لازم يترمي، لكن لو اتقفلت الأنبوبة تقعد سنة أو سنتين، ولو متقفلتش يبقى آخرها شهر واحد».

وينصح أستاذ الأمراض الجلدية، باختيار الصن بلوك الملائم للبشرة وللعائلة ككل، الأب والأم والأولاد، قائلا: «عشان نبقى فاهمين إحنا بنعمل إيه، لو خدنا اللي أساسه مائي ممكن ننزل الماء به، وممتاز ويقعد كتير، وملائم للعائلة، وفي كمان محجب للشمس للشعر اللي هو الباري صن بيتحط للشعر، وبعد ساعتين من نزول من البحر لازم نجدده».

اختيار الصن بلوك حسب لون البشرة

يشير الدكتور عاصم فرج، إلى إنه يجب اختيار صن بلوك، حسب لون ودرجة البشرة: «لو لون البشر غامق شوية اللي هي درجة 4 أو 5، أقدر أخر وضع الصن بلوك عن ساعتين، يعني ممكن 3 أو 4 ساعات، ولو عايزة تان صحي، لازم بعد الظهر على الساعة 5، عشان الناس متتحرقش من الشمس في الساحل الشمالي».

وبالنسبة للبشرة الفاتحة، يوضح: «البيضا خالص اللي مبتعرفش تسمر ولا تاخد لون، تحمر وتنزل على مفيش، وبتتحرق من أول لمسة، ورقم 2 هي برونيت، بتاخد لون بصعوبة بالغة، أما رقم 3 متوسطة، رقم 4 هي بشرة حنطية، أو قمحية، تلقط اللون بسرعة»، متابعا بأن أصعب أنواع البشرات هي البشرة البيضاء في الدرجة الأولى والثالثة: «تجاعيد بدري، وكل حاجة بدري، لازم نجيب صن بلوك يحتفظ بـSPF +50 أو غيره، لساعة أو ساعتين».