رئيس التحرير:

محمود مسلم

رئيس التحرير

محمود مسلم

علاقات و مجتمع

ميار شريف: هعمل اللي أقدر عليه علشان أكون قدوة للأجيال

كتب: ندى نور -

05:30 م | السبت 10 أكتوبر 2020

لاعبة التنس ميار شريف

نشرت لاعبة التنس ميار شريف، عبر حسابها على فيس بوك، قصة نجاحها التي من خلالها استطاعت تحقيق إنجاز وهي بسن الـ24، حتى أصبحت "فتاة مصر الذهبية"، بعدما حققت إنجاز تاريخي لمصر في لعبة التنس، بعد تأهلها إلى الدور الرئيسي لبطولة رولان جاروس إحدى بطولات الجراند سلام.

وكتبت "ميار" عبر صفحتها: "تعبت كتير في مشواري القصير ولسه اللي جاي أكتر، لعبت في الدور الرئيسي في رولان جاروس لأول مرة في تاريخ التنس المصري، قررت أنزل مصر احتفل مع كل المصريين بعد المشاركة اللي بعتبرها مجرد بداية، استقبال غير عادي، فرحة من القلب، ناس طيبين، فريق عمل فوق العادة، تغطية إعلامية راقية، دعم من الراعي فوق المتوقع، استقبال رسمي حكومي، فرص كبيرة من مجتمع الأعمال، إجازة سريعة في أحلى الأماكن في مصر".

وتابعت: "الناس فجأة بقت بتتصور معايا وأنا ماشية في كل حتة، نصيحة واحدة؛ مهم جدا إن الواحد يصدق في نفسه ويكون عنده عقلية الفوز، هفكر نفسي دايما بحاجة واحدة؛ دي مجرد البداية".

واستطردت: "أعاهد الناس بحاجة واحدة؛ هعمل كل اللي أقدر عليه إني اتصرف صح بكل الاحترام لنفسي وللجميع، عشان أكون قدوة للأجيال، وأكون أد اسم بلدي اللي اتكتبلي بكل الفخر إني أشيله في كل مكان. بحمد ربنا على كل حاجة كويسة حصلتلي الفترة الأخيرة.. أحلى البدايات، بحب بلدي، أهلي وفريق عملي، وبشكر كل واحد وقف جنبي من كل قلبي".

من هي ميار شريف

أول لاعبة مصرية في التاريخ، تفوز بمباراة في أي بطولة من بطولات التنس الكبرى.

أصبحت ميار شريف، أيقونة للتنس المصري، بعد تحطيمها للأرقام القياسية، إضافة إلى مشاركتها في آخر نسختين من بطولة براج المفتوحة بالتشيك، ومشاركتها في النسخة التي أقيمت سبتمبر الماضي.

حققت الميدالية الذهبية بمنافسات دورة الألعاب الأفريقية التي أقيمت بالمغرب نوفمبر الماضي، بعد التغلب على لاعبة جنوب أفريقيا ستورم سيمونز، بنتيجة 2/0.

وصل رصيد ميار شريف، من البطولات، إلى ثمانية ألقاب فردية وستة ألقاب زوجي في المنافسات الدولية للعبة التنس.