رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

المطربة رحمة تعلن تدهور حالتها الصحية: شكلي بموت من كورونا

كتب: هبة وهدان - ياسمين محمود -

01:32 م | الجمعة 19 يونيو 2020

المطربة رحمة

أعلنت المطربة رحمة تدهور حالتها الصحية بعد إصابتها بفيروس كورونا المستجد.

وكتبت رحمة عبر صفحتها الشخصية على موقع "فيس بوك": "آخر التطورات، أنا تعبانة جدا يا جماعة وشكلي هاسبقكم والحمد لله رب العالمين، ووالدتي ربنا يتولاها وجميعا آمين".

وأضافت: "شفتوا التأخير عمل فيا إيه.. والناس اللي ألف بعد الشر عنك لا يا شيخة ماتتوهميش والكلام اللي وداني في داهية ده".

واستكملت: "التعب زايد عليا جدا خصوصا في صدري والرئتين وضربات قلبي ونفسي، رحت النهارده لدكتور الصدر لأني تعبانة جدا ولله الحمد.. قالي الفيروس نزل على الرئتين.. ولله الحمد كله على كل حال وعلى أي حال".

وعن الدواء الذي صرح الطبيب لها بتناوله كتبت: "كاتبلي على كورتيزون وأدوية للقلب لأن ضربات قلبي زايدة جدا وصوتها عالي.. غير محتملة بجد ربنا مايوريش حد أبدا.. الحمد لله رب العالمين.. من فضلكم أي حد يتعب مايقولش ده دور برد ومش معقول يجيلي وأنا حابس نفسي في البيت.. لا حضرتك جالنا وإحنا محبوسين في البيت.. زيارة من أحد الأقارب في العيد.. عدى البيت كله".

وأنهت رحمة تعليقها على حالتها الصحية: "على فكرة لحد دلوقتي هو مش تعبان هو نقل فقط سبحان الله العلي العظيم.. أتمنى للجميع أنكم تحذروا ويا رب محدش يشوفها أبدا والناس كلها يا رب وأن يرفع عنا وعن البشرية كلها هذه المصيبة".