كتب: محمد عزالدين -
09:01 م | السبت 30 مايو 2020
كشفت الإعلامية سناء منصور، عن طريقتها لغسل السمك والدواجن وإزالة "الزفارة" منهما، قائلة: "أنا في العادي بعمل ملح وانقعه واحطه كذا مرة، وبعد كده دقيق وخل وليمون، واكتشفت حاجة هتختصر كل الخطوات دي وتشيل ريحة الزفارة".
وأضافت "منصور" خلال برنامجها "السفيرة عزيزة"، المذاع على قناة "DMC"، بصحبة الإعلامية شيرين عفت، أن الطريقة التي تؤدي لإزالة رائحة الزفارة من السمك والدجاج هي "الطحينة البيور": "بحط معلقتين طحينة، ونص لمونة أو لمونة كاملة، وألخبطهم على بعض وأغسل بيهم السمك، وبعدها متلاقيش ريحة في السمك، أكني حاطة فراخ مش سمك".
وتابعت: "الاكتشاف دة طلعته من يوتيوب، الخلطة دي تحطيها للفراخ والسمك وسيبتها 10 دقايق، وبعدين تتغسل بالمياه تلاقي الحاجة فلة شمعة منورة على رأي عمرو أديب".