في سؤال "تحب تنقذ مين من فيروس كورونا" ضمن فقرات برنامج "شيخ الحارة والجريئة"، تحدث المنتج أحمد السبكي عن زوجته، وقال "أحب أنقذ مراتي من أي خطر، أنا عمري ما تزوجت على مراتي، ومفيش واحد عينه مش بتزغلل لما يشوف بنات حلوة، بس أنا عمري ما اتجوزت غير مراتي، هي راضية بيا وأنا راضي بيها".

وأضاف "السبكي"، خلال حواره مع المخرجة إيناس الدغيدي، على شاشة "القاهرة والناس"، أنها دائما ما يأخذ رأي زوجته في الأعمال التي يقوم بإنتاجها، "بأخذ أراء الناس اللي حوليا، وبتوع البوفيه، وناس من الشارع أقولهم البرومو ده ضحكم ولا لأ، مراتي مش بتاعه سينما وملهاش في السينما، بس هي الخير والبركة ونتفاءل بيها كلنا الحمد لله".

وعن الفنانات التي يرغب في العمل معهن، أوضح أن ورق السيناريو وهو من سيجلب أي فنان لأي عمل، "أنا داخل فيلم مع ياسمين عبد العزيز، ونفسي أعمل فيلم لدنيا سمير غانم أو أيمي، هما الأثنين بعتبرهم ولادي، وكمان حسن الرداد أبني، بس أهم حاجة، نرجع نشتغل بعد الأزمة اللي هنعديها بفضل الزعيم عبدالفتاح السيسي".