رئيس التحرير:

محمود مسلم

رئيس التحرير

محمود مسلم

علاقات و مجتمع

رضوى توبخ آيتن بسبب "فرصة تانية": "مفيش كرامة.. طليقك يستاهل قلة في وشه"

كتب: شريف سليمان -

03:58 ص | الأربعاء 29 أبريل 2020

الإعلامية رضوى الشربيني

مازحت الإعلامية رضوى الشربيني، الفنانة آيتن عامر، بسبب مشاركتها في مسلسل "فرصة تانية"، مع الفنانة ياسمين صبري، والفنان أحمد مجدي.

الإعلامية رضوى الشربيني، لم يعجبها ما قامت به الشخصية التي جسدتها الفنانة آيتن عامر "ريهام"، التي تسببت في انفصال أحمد مجدي وياسمين صبري، بعدما ارتبطت بالأول، وعندما تزوجها وطلقها، حاولت العودة إليه مرة أخرى.

وقالت "الشربيني"، في مقطع فيديو شاركته، عبر حسابها على موقع الصور إنستجرام: "إيه يا آيتن يا حبيبتي، بقالي 5 أيام يا حبيبتي شايلة على قلبي وساكتة، بقول بنتنا هتعقل، بس بنتنا مبتعقلش".

وأضافت: "في الحلقة الأولى، خطفتيه من البنت، وفي الحلقة التانية قلنا يمكن عندها اعتقاد فظيع بالمساواة وراحت تتقدم له عشان متضيعش وقت، وتالت حلقة، عملتوا فرح وسابلك التورتة عشان ميبقاش أبو تورتة ومشي، وقلنا خلاص هتاكل التورتة وتقعدي ساكتة، خلاص مفيش كرامة، ليفل الوحش يا آيتن عامر دخلتيه في إن مفيش كرامة".

وأتمت: "رحتيله البيت قلت بنتنا عندها صدمة، قالك انتي طالق، وأنا ندمت إني اتجوزت، تقوم تردي بجملة غريبة، لا حبيبتي انتو مكنتوش بتلعبوا بولة استيمشن وهو خسرك، ده طلقك ياماما، وإحنا في البرنامج بنقول إن ده ميستاهلش بوس، ده يستاهل قلة على وشه وقلة بعد ما يمشي".