رئيس التحرير:

محمود مسلم

رئيس التحرير

محمود مسلم

علاقات و مجتمع

نكاية في ريم البارودي.. ريهام سعيد تعتذر لسمية الخشاب: جنان رسمي

كتب: روان مسعد -

01:21 م | الإثنين 20 أبريل 2020

ريم البارودي وريهام سعيد

من جديد وفي فيديو مدته تزيد عن 40 دقيقة، بثت الإعلامية ريهام سعيد "لايف"، عبر موقع تبادل الصور والفيديوهات إنستجرام، ترد فيه وتهاجم صديقتها السابقة والفنانة ريم البارودي.

ريهام اتهمت صديقتها السابقة بأنها تتعمد تشويه صورتها سواء في عمل الخير أو غيره، كما اتهمتها بأنها تسلط صحفيين بعينهم عليها لمراقبة حساباتها على السوشيال ميديا لإظهار ردودها غير اللائقة على المتابعين، وقالت في الفيديو "أنا بحاول يكون في ضبط نفس معاكي لكن الظاهر مش نافع ده جنان رسمي، صاحبة لقتيها مش كويسة خلاص سيبيها".

وأضافت: "اللي بتعمليه ده غلط أنا وإنتي هنروح القبر لوحدنا مش مع الناس استغفري ربنا، أنا مش بيفرق معايا مين بيشتم لأن أنا عارفة أنا مين إنتي موقفك وحش أوي وبتعملي أذية".

وتابعت: "عايزين تاخدوها غيظ، عايزين تاخدوها كيد، أنا مصر كلها تعرفني وتعاملت معاها وبعمل الخير من 17 سنة"، هكذا دافعت عن نفسها ريهام سعيد أمام ما تعتبره تصيد لأخطائها على "السوشيال ميديا" من قبل ريم البارودي.

وأوضحت الإعلامية أن مشاجرتها مع ريم البارودي عمرها سنتين ورغم ذلك لم تشهر بها، أو تتحدث عنها بسوء أمام أي شخص، وأكملت إنها لم تذهب لأعدائها للتعامل معهم، وعلى الرغم من ذلك وجهت ريهام سعيد اعتذارها للفنانة سمية الخشاب طليقة الفنان أحمد سعد الذي كانت تربطه علاقة عاطفية بريم البارودي.

وقالت ريهام: "أتمنى إنك تقبلي اعتذاري.. الفنانة سمية الخشاب، أنا مفيش بيني وبينك حاجة وحشة، مفيش أي حاجة تجاهها، لأن أنا اتحكتلي قصة واضح أنها كانت غلط من اللي بيحصلي دلوقتي نسخة طبق الأصل".

واختتمت "أنا طالعة عشان أقول بس كفاية، وعمري ما هطلع في برنامج أخد ظرف فلوس عشان اشتمك في حد أكلت معاه عيش وملح ده لا هيزودني ولا هينقصني، أنا طالعة عشان تصرفاتك بتبوظ عليا السلام النفسي اللي أنا عايشة فيه".