كانت تعمل بكل جد ونشاط غير عابئة بالمحيطين بها والساخرين منها تمضي في طريقها رغم المحاولات الدائمة لإضعافها وتجاهل جهدها.

أمل الزناتى،47 عاماً، من قصار القامة، لقبوها بالمرأة الحديدية، لكونها أول سيدة تتاجر فى قطع غيار الجرارات الزراعية، فى محافظة كفر الشيخ.

رغم متاعب هذا العمل وصعوبته، لكنه العمل الوحيد، الذي تجيده حيث ورثته عن والدها، وتعلمت أصوله، وأصبحت خبيرة فيه بعد سنوات طويلة من العمل وصلت إلى 29 عاماً: "محدش كان بيرضى يتعامل معايا، فى الأول لما كنت بنزل أقعد فى الورشة بدل والدى كنت بسمع بودانى كلمات سيبك منها ومش هنشترى منها هى دى بتعرف حاجة ولا تبيع ولا تشترى"، بحسب "أمل"، التى كانت تشعر بضيق من الكلمات التى تقلل منها لكنها كانت تتجاوزها: "سنة فى التانية فى التالتة الناس ابتدت تعرفنى وبقى لى اسمى وسمعتى فى السوق".

جاهدت "أمل" كثيراً، حتى افتتحت ورشة خاصة بها، بعيدة عن ورشة والدها، وكان زوجها يشجعها ويدعمها، حتى أصبحت واحدة من أهم تجار الجرارات الزراعية فى كفر الشيخ: "فى الأول الشغلانة كانت صعبة جداً خصوصاً عشان حالتى، لكن كنت بتغلب على ده كله، اللى عايز يشترى يدخل ويشوف ولو حاجة بعيد عنى بحط كراسى وأطلع أجيبها، الشغل مش عيب أبداً ومبسوطة باللى بعمله".

فى البداية كانت "أمل" تتعامل بحذر مع الرجال فى السوق حتى اكتسبت احترامهم وثقتهم: "شوية شديدة وشوية كنت بتعامل بلطف عشان محدش يستقل بيا".