"الأسئلة صعبة وقلم التابلت مش بيكتب كويس"، كانت هذه أبرز شكاوى أمهات وطالبات الصف الأول الثانوي، بعد أداء امتحان الكيمياء اليوم، حالة من الارتباك بين الطلاب، وسط خوف يسيطر عليهن من امتحانات آخر العام.

"نوعية الأسئلة صعبة ومعقدة ومش مباشرة".. بتلك الجملة بدأت "أمل طه" طالبة بالصف الأول الثانوي، حديثها، معبرة عن صعوبة الامتحان الذي أداه الطلاب اليوم، من خلال التابلت.

وقالت في حديثها لـ"هُن": "الامتحان محتاج للطالب فوق المتفوق، وفيه أسئلة غير مفهومة، علشان كده جاوبت على الأسئلة اللي أعرفها، وسيبت الباقي".

فيما أشارت "منيرة السيد" إلى أن الامتحان يحتاج لتركيز، للإجابة على أسئلته، وأيضا إلى وقت أطول، بسبب انقطاع الإنترنت أثناء الحل، مضيفة: "الحاجة اللي بتتحل في ثواني محتاجة وقت طويل وقلم التابلت مش بيكتب كويس".

وأكمت "منار أحمد، الحديث: "الامتحان أجزاء منه صعبة، ولكن بشكل عام هو سهل على اللي مذاكر"، وطالبت بحل مشكلة قلم الكتابة على التابلت.

"أولادنا محتاجين تدريب كويس على التابلت".. هكذا بدأت سعاد أحمد، والدة إحدى الطالبات، حديثها، معبرة عن استيائها من صعوبة الامتحان،: "هو امتحان تجريبى بس أكيد باقي امتحانات آخر السنة هتكون بالشكل ده".

"أنا بنتي مبقتش تروح الامتحان، وحاسة إنه مالوش فايدة بالنسبة ليها"، مأساة أخرى عاشت فيها "أمل حلمي" ولية أمر، مضيفة: بنتي حضرت أول مادتين وبعد كده قالتلى مش هروح تاني، مش بستفيد حاجة، لأني مش بلحق أحل علشان مشكلة النت".

فيما طالبت سامية فكري، ولية أمر، بإلغاء النظام لحين اكتمال المنظومة، واستطردت: "ممكن يكون النظام الجديد كويس، بس لما الطلاب والمعلمين يفهموا، بدل الحيرة اللي العيال فيها".