كشف الفنان أحمد فهمي، عن كواليس تعرفه على خطيبته، الفنانة هنا الزاهد، وذلك خلال استضافتهما في برنامج "صاحبة السعادة"، مع الفنانة والإعلامية إسعاد يونس، على قناة "دي إم سي".

وقال إنه لم يقابل هنا الزاهد، ولم يعمل معها مطلقًا، ولا تربطهما علاقة صداقة قبل عرض فيلم "حرب كرموز".

وأشار "فهمي" إلى أنه بطبيعته لا يحب حضور العروض الخاصة من الأفلام، ولكن الفنان أمير كرارة بطل الفيلم طلب منه الحضور في العرض الخاص، مستطردًا: "أنا قولت أعمل نمرة بقى، قمت لابس نظارة شمس قبل ما أروح العرض الخاص اللي كان بليل، وكنت فاكر الناس هتتقلب عليا ويتصوروا معايا وكده، بس ده محصلش خالص".

وواصل حديثه: "في العرض الخاص لقيت هنا الزاهد بتسألني، هو إنت ليه لابس نظارة شمس وإحنا بليل، قولتلها والله كنت عاوز أعمل نمرة بس معرفتش، وشوية لاقينا نفسنا قاعدين على ترابيزة واحدة، لقيت دمها خفيف، بس معرفش إنها مكسرة الدنيا في التمثيل، فواحد صحبي قالي إنت قاعد مع هنا الزاهد، دي فنانة كبيرة، فده لفت انتباهي، واتعرفنا على بعض، بس مخدناش أرقام تليفوناتنا".