أدى طلاب الصف الأول الثانوي اليوم امتحان مادة التاريخ، وعبر عدد من أولياء الأمور عن استيائهم من صعوبة الامتحان وتسريبه مثل باقي المواد.

وقالت منار أحمد، طالبة: "السؤال عن مستوى الامتحان مبقاش له معنى لأن كل الامتحانات متسربة.. ولو اعتمدنا اننا كنا بنعتمد على نفسنا في الحل نقدر نقول إن الامتحان صعب والإجابات بناخد وقت طويل للبحث عنها".

وتابعت ميرنا طارق، طالبة، أثناء حديثها لـ "هُن": "الامتحان حلو أوي زي الامتحان اللي متسرب بالضبط ولا حرف ناقص ولا زايد، حرام والله مجهود التيرم كله يروح بالطريقة دي".

واستكملت ماجدة السيد، ولية أمر: "بصرف النظر عن التسريب الأسئلة مباشرة ما عدا سؤال واحد والامتحان بيعتمد على الحفظ لو الكتاب مش معاهم لازم حفظ مش فهم زي ما مفروض في النظام الجديد وفيه عيب كمان مركز جدا على درسين فقط من ضمن 9 دروس وهم عدد دروس المنهج".

واعترضت ولية أمر أخرى على عمليات التسريب المستمرة في الامتحانات، قائلة: "الواحد تعب وأعصابة باظت من كتر الفلوس اللي اندفعت ومجهود الولاد اللي كانت قربت على الانهيار من كتر المذاكرة وفي الآخر الامتحان يتسرب كل الطلاب أكيد محبطين".