حلت الفنانة رانيا يوسف ضيفة بحلقة الأمس من برنامج "أنا وبنتي"، المذاع على فضائية "ON E"، والذي يقدمه الفنان شريف منير وابنته أسما، وأثارت الجدل بعدد من التصريحات الجريئة حول العلاقات الزوجية والأسرية، كما تطرقت للحديث عن بعض طباعها الشخصية.

ويرصد "هن" أبرز تصريحات رانيا يوسف خلال البرنامج، وجاءت كالتالي:

أكدت رانيا أن الرجال يتسمون بالعصبية وضيق الخلق، موضحة: "بيقولوا أصل أنا شغال وعندي مسؤوليات، طب ما الست كمان شغالة وبتكون عندها مسؤوليات، يقولوا إحنا عندنا أزمات مالية، طب ما الستات شغالين وشايلين معاهم".

وأشارت إلى أن بعض الرجال لا يتجاوزون الأمور البسيطة التي يمكن أن تتغاضى عنها النساء ببساطة، قائلة: "ده فيه رجالة بيصحوا الصبح ضاربين الـ111 في وجوههم.. ولما أزعل يقولوا مالك وزعلانة من إيه، لو ما قولتش وقولتلهم مفيش يبقى مش عاجب، ولو قولت يقولوا عليا نكدية".

وأوضحت رانيا أن السيدات لا يتسمن بإشاعة النكد كما يُقال عنهم، متعجبة: "فيه ست تقول على نفسها نكدية؟!"، لتضيف: "أنا برج القوس، ده أنا كلي طفولة، وطول عمري بلعب، أنا جيت الدنيا ألعب أصلا".

وأجابت رانيا، على سؤال الفنان شريف منير: "هل الستات بتبوظ بعض؟، فيه ناس كتير بتقول كده"، قائلة: "آه ده حقيقي".

وأضافت: "فعلا الستات بتبوظ بعض وبيخربوا على بعض، والرجالة أحيانا برضه، بس الرجالة كبيرهم في القعدات يقولوا مراتي مش مريحاني أو أنا مش مرتاح، أو مراتي نكدية، بس الستات لما بتقعد مع بعض بيقولوا تفاصيل التفاصيل، فالطبيعي الستات بتنصح بعضها على حسب المشكلة، وفيه ناس تبقى على حسب النية، فيه ناس عاوزة تخربها، فبتخربها".

قالت رانيا، إن القصص التي تسمع عنها من صديقاتها تثبت أن السيدات كثيرو الشكوى، موضحة: "الراجل برضه بيشتكي بس من حاجات منطقية، مثلا بيكون طاقته استنفذت في الشغل وبييجي من الشغل خلقة ضيق، فممكن يشتكي".

وأضافت "رانيا": "الستات زي الشركة، هتحط جنيه هنحط قدام الجنيه مجهود يساوي الجنيه"، ومازحها شريف منير قائلا: "خلاص أنتوا ملائكة"، لترد ضاحكة: "إحنا مش ملايكة، إحنا شياطين بس طعمين ودمنا خفيف".

وذكرت أنها ليست شخصية شكاكة بطبعها، مضيفة: "أنا ابتدي أشك في جوزي بس لما الفار يلعب، ولما مش بشوف نفسي في عين جوزي".

وأكدت خلال الحوار أن السيدات أقوى من الرجال، ويتمتعن بقوة تحمل تفوق الرجال، قائلة:"عشان كده ربنا خلقنا نستحمل الحمل والولادة، يعني المفروض تطبطبوا علينا، من حقي أدلع".

وردت على الفنان شريف منير، الذي تحدث عن النظرات الغريبة وشكوك النساء حول أزواجهن في الكثير من الأحيان، قائلة: "كل الرجالة بيكونوا عاملين عاملة، الستات فيه اللي بيعمل عاملة وفيه اللي مايعملش، بس الرجالة كلها بتعمل عاملة، وبتقعد على القهوة عشان تهرب من التفاصيل والمسؤوليات، الستات كلها تفاصيل".

وأكدت على ضرورة وجود بعض الحدود بين الزوجين تخص علاقة كل منهما بأهله وتقديمه مساعدات مادية أو عينية لهم، متعجبة من مشاعر الضيق لدى بعض السيدات بسبب مساعدة الزوج لأهله، وقالت: "اللي ملوش خير في أهله ملوش خير في مراته".

وجسدت رانيا مشهدًا مع شريف منير حول "النكد بين الزوجين" على الهواء، مشيرة إلى أنها تُقاوم النكد بـ"الغلاسة"، على حد قولها.