رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هو

أحمد العوضي لمنتقدي فستان خطيبته السابقة: "مش هلبسها عباية.. والحريم خط أحمر"

كتب: آية أشرف -

12:14 م | الإثنين 07 يناير 2019

أحمد العوضي

أثار اسم الفنان الشاب أحمد العوض، مؤخرًا جدلًا واسعًا عبر مواقع التواصل الاجتماعي، بسبب إعادة نشر صور خطبته، التي تألقت خلالها عروسه بفستان أبيض قصير، مكشوف من الظهر، منفوش قليلًا، ومُرصع بالفصوص اللامعة. 

وعلى الرغم من تفاعل الفتيات لإعجابهن به، إلا أن انتقده البعض بسبب فستان خطيبته المكشوف، خاصة إنه صرح من قبل خلال حواره مع الإعلامية سمر يسري، إنه رجل شرقي، وله رأي في ملبس زوجته. 

ونشر "العوضي" على حسابه الشخصي على موقع التواصل الاجتماعي "فيسبوك" ردًا على الانتقادات، قائلًا: "طيب مبدأيا كدة صور الخطوبة اللي غرفت الفيسبوك امبارح دي من سنه ونص.. تاني حاجة أنا كنت خاطب وزي أي علاقه في الدنيا قسمه ونصيب.. تالت حاجة أنا كنت خاطب واحدة لو قعدت أقول عملت ايه عشاني من هنا لسنين قدام مش هيكفي فهي وأهلها يفضلو دايمًا على راسي.. رابع حاجة كل الرجالة اللي اتكلمو في حقي كلمة حلوه أو حتى انتقدوني لشخصي على راسي".

وتابع: "الناس اللي اتكلمو في فستان خطوبة مقفول من فوق كانوا متخيلين إني هلبسها عباية؟، ونظرو علي بنت محترمة عشان يضربو فيا أنا.. فانت لو كان أبوك تعب شويه على إنه يعلمك إن الحريم خط أحمر وإنك لما تحب تضرب في راجل بيبقى منك ليه، لو كان علمك كده كان زمانك فاهم في الأصول، فانسى بقي اني ممثل والكلام ده لا أنا في الأول والأخر منكم يعني وارد تقابلني في أي مكان أنا مش عايش في النمسا فاعمل حساب إنك خضت في سيرة ناس مني،  واسترجل كده وسيبك من جو حرفين هتكتبهم وقلبك ميت عشان ساعة الجد الموضوع بيختلف".

وأضاف: "محروق من حاجه اسأل أنا بروح فين وتعالي قولي إنت وإنت وإنت وإنت عادي بس هتعمل فيها جلنديزر على الفيسبوك.. ولما تخطب يا حلو ابقى لبسها عباية في الخطوبة أو خبيها أقولك ابقى لبسها بدلة عشان انت ارجل مني يا جامد".

واختتم قائلًا: "أخر حاجة أنا سنجل فياريت بلاش كلام في حاجات غلط، كل الشكر للناس اللي انتقدت كلامي ككلام إنه شرقي زياده وكل الشكر للناس اللي شايفه إني صح، وصباح الفل عليكم وكل الاحترام لبنت أنا مشفتش منها غير كل خير واحترام.. وأنا اسف ليكي".