كافيه البنات
دعاء فاروق

نشرت الإعلامية "دعاء فاروق"، على صفحتها الشخصية على موقع تبادل الصور والفيديوهات"إنستجرام"، صورة ترد من خلالها على منتقديها بشأن تسائلهم المستمر عن عدم قيامها بالتبرع بالملابس للأشخاص الذين يحتاجون هذه الملابس، كنوعٌ من العمل الخيري.

حيث ذكرت:"تتألق الإعلامية دعاء فاروق بطقم كامل من ساسها لراسها من الحفريات أحدث قطعة داخلة على خمس سنين توضيح للسادة الأفاضل اللي بيتساءلوا ليه مش بطلع هدوم للخير، مين قال إني مبطلعش، بس ده كلام مش للاستعراض ومين دولابه مفيهوش حاجات بيلبسها كل سنة".

وأضافت: "محدش بيوزع كل اللي حيلته لازم يحافظ على اللي يستره وميلاقيش نفسه في أول الشتا مش لاقي حاجة يلبسها وينزل يجيب حاجة شبه اللي كانت عنده بالظبط بعشر أضعاف تمنه".

وتابعت:"ثم العالم كله عنده موقعة تطليع الشتوي والصيفي كل سنة، وإحنا بنطلع فيه حاجات بنقول عليها كفاية كدة تروح لحد تاني وفيه حاجات بتبقى محتاجها".

واستنكرت متابعة:"ولما الاقي واحدة صاحبتي لابسة بلوزة حلوة وأقولها الله دي منين فتقولي دي عندي من زمان فاكيد مش هقولها ولابساها ليه لغاية دلوقتي موزعتيهاش ليه، عشان كل واحد ادري باحتياجاته وكل واحد حر في اختيار طريقة إنفاقه وبذله للخير".

ويذكر أن دعاء احتفلت بذكري عيد ميلادها مؤخرًا، كاشفةً عن عمرها الحقيقي معترفةً أنها ليست من هواة الإحتفال يعيد ميلادها إلا انها ولدت في 6 أكتوبر عام 1973، أي تبلغ من العمر 45 عامًا.

 

أخبار قد تعجبك