قال الدكتور مبروك عطية خلال استضافته في برنامج "تخاريف" الذي تقدمه الإعلامية وفاء الكيلاني عبر شاشة "إم بي سي"، إنه يحزن كلما رأى نقاب، وهو يداوم على قول ذلك في محاضراته وأمام موظفين جامعة الأزهر.

وقال عميد كلية الدراسات الإسلامية والعربية لبنات جامعة الأزهر بسوهاج، "أنا عميد كلية يعني تحت مني 200 دكتور و50 معيدة ومدرس مساعد، وبقولهم كدة لما بشوفهم، انا في قمة الحزن اني شايفكم لانكم موظفين في جماعة الأزهر ودرستوا في الازهر وبتاكلوا من الازهر".

ونفى منفعلا خلال البرنامج، أن يكون الدين أو الأزهر يطالب الفتيات بالنقاب، متابعا: "الأزهر مبيقولش اتنقبوا، ولا بيعلم العيال النقاب ولا عندنا كلمة نقاب، لو عندك دين  سيبي الأزهر وإمشي واتنقبي برا لأن إحنا مش بتوع نقاب، انا مؤمن بده أوي"

وأضاف خلال مشاركته في البرنامج: "الطلبة مسموح لهم بالدخول بالنقاب عشان الديموقراطية، وهي عشان جميلة أوي لو الدكتور شافها هينسى البقرة من آل عمران، وهي أصلا مفيهاش ريحة الأنوثة، بس الدين عندها نقاب، مقتنعة بلغة الفلاحين القدامى يبقى بتاكلي عيش عندنا ليه، تسيب الأزهر عشان الأزهر مبيقولش نقاب".