رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

ناشطة حقوقية تروي مواقف دينا الشربيني في السجن

كتب: إسراء صبحي -

02:43 م | السبت 22 سبتمبر 2018

الناشطة الحقوقية آية حجازي للساخرين من آخر إطلالة لـ دينا الشربيني: ازاي الست ممكن تاخد حقها لو أول ظالم ليها المرأة!

علقت الناشطة الحقوقية آية حجازي، على الإطلالة الأخيرة للممثلة دينا الشربيني عبر حسابها الرسمي على موقع التواصل الاجتماعي "فيسبوك".

وتحدثت آية عن دينا الشربيني قائلة: "شخصية فعلا لطيفة ومحترمة واجتماعية.. كانت معاملاتنا طفيفة وإحنا محبوسين مع بعض في عنبر واحد، بس تعاملاتها مع الناس كلها كويسة جدا.. واللي لمسني معاملتها مع بنت كانت طفلة شوارع دينا ساعدتها بكل الأشكال، وساعتها البنت ورتني رسالة ليها دينا بتقولها أنا معاكي ودي نمرتي كلميني أول ما تخرجي وأخرج وممكن أوفرلك شغل معايا".

وتابعت حجازي: "كمان حاولت تشغل وقتها ووقت الناس بكورس تمثيل داخل السجن، لكن اتغير رئيس المباحث على طول ولغاه.. وكمان كانت من الناس النادرة اللي بتخرج وتفتكر صحابها وتيجي تزورهم في السجن وتجيبلهم زيارات".

وأضافت: "هي دي الفنانات اللي أحب اتفرج عليهم، مش ناس بلاستيك بنتفرج على شكلهم وننسى فنهم أو هم مين.. كنت فعلا مترددة أكتب عنها، بس أعتقد ده واجبها علي، كمرأة وكإنسان".

ووجهت حديثها للساخرين من إطلالة دينا الشربيني قائلة: "للبنات المنفسنة، مش عارفة إزاي الست ممكن تاخد حقها في العالم ده، لو أول ظالم ليها المرأة.. من نجاح لنجاح يا دينا".

وظهرت الفنانة دينا الشربيني بشعر أسود قصير، وفستان طويل ذو فتحة متوسطة الحجم بمنطقتي الصدر والظهر، من توقيع دار الأزياء الإيطالية روبرتو كافالي، مما آثار سخرية بعض نشطاء مواقع التواصل الاجتماعي.