كتب: روان مسعد -
05:21 م | الخميس 13 سبتمبر 2018
هي "اللي مدوباهم اتنين"، تظهر بمصريتها المعهودة كـ"حماة" قبل أن تكون أم برعت بشدة في تمثيل هذا الدور بتفاصيله الكثيرة، كوميديانة اقتنصت الضحكة من فم جمهورها، حتى وصفها البعض بـ"قنبلة الضحك"، مفارقة غريبة صنعتها ماري منيب، عندما نشرت مجلة "الجيل" نصائحها الذهبية للمقبلين على الزواج، في عام 1958.
نصائح ماري منيب التي أعلنتها قبل 80 عامًا ما زالت تصلح حتى الآن وتعد دليلًا لتعامل الزوجين؛ في وصفة قد يتحول معها "بيت الزوجية" إلى سكن ومودة ورحمة، وتتضمن ما يلي:
- ميعارضهاش في كل حكاية تقولها، ويتفاهم معاها بعقلية كبيرة، ودون خناق.
- يعرفها كل حاجة عنه، برا وجوا، الثقة أهم حاجة وتجيب العيشة الهنية.
- ممنوع طولة اللسان.
- متخرجهاش تتفسح لوحدها لازم تبقى معاها على قد ما تقدر، وتغير عليها.
- أنت رجل في كل حاجة ما عدا إدارة البيت، دي بتاعة الست.
- بينلها حبك عشان متبقاش زي أختك.
- ممنوع البخل.
- اوعى تهمل مراتك بعد ما يكون بنيكم عشرة، عشان العشرة بتجيب إهمال.
- متبعدش عنها عشان هي بطبيعتها غيورة.
- "الرجال قوامون على النساء"، واللي تزعل تتفلق زي ما أنا زعلت وطقيت واتفلقت قبلكم.
